གཞན་ལ་སེམས་ཁུར་བྱེད་པ་ནི་ང་ཚོ་རང་གི་ཁེ་ཕན་ཙམ་མིན།
གཞན་ལ་ཞབས་འདེགས་སྒྲུབ་པའི་གལ་ཆེའི་ཆ་ཤས་ཤིག་ནི། རྣམ་དཔྱོད་བེད་སྤྱད་དེ་འབྱུང་སྲིད་པའི་ང་ཚོའི་བྱ་སྤྱོད་ཀྱི་འབྲས་བུར་དཔྱད་ཞིབ་བྱེད་རྒྱུ་དེ་ཡིན། དེ་རྗེས་ང་ཚོའི་ཉིན་རེའི་མི་ཚེའི་ནང་བག་ཡོད་དང་། དྲན་པ། ཤེས་བཞིན་བཅས་བསྟེན་ནས། ང་ཚོས་སོ་སོའི་བྱ་སྤྱོད་དང་ངག་ལ་ཚོད་འཛིན་ཐུབ་པ་ཡོང་གི་ཡོད།
སྤྱི་སེམས་ཀྱི་གོ་དོན།
སྤྱི་སེམས་འདི་ལྟ་བུ་ཞིག་བསྐྱེད་པའི་ཕན་ཡོན་གལ་ཆེ་ཤོས་ནི། རང་གི་ཉེ་འབྲེལ་གཅིག་པུ་མ་ཡིན་པར་སེམས་ཅན་གཞན་ཐམས་ཅད་ཀྱི་བདེ་སྡུག་ཀྱང་ང་ཚོས་ཚོར་ཐུབ་པ་དེ་ཡིན་ལ། སྡུག་བསྔལ་ཆེ་ཤོས་མྱོང་གི་ཡོད་པའི་འགྲོ་བ་མིའི་ཁྱིམ་གཞི་ཆེན་པོའི་ནང་མི་རྣམས་ལ་ལྷག་ཏུ་སེམས་ཁུར་བྱེད་དགོས་པ་མཐོང་བ་དང༌། འགྲོ་བ་མིའི་རིགས་ཀྱི་སྤུན་ཟླའི་བར་ལ་འགལ་རྐྱེན་སློང་བའི་རྒྱུ་རྐྱེན་བཟློག་དགོས་པ་ངོས་འཛིན་བྱེད་ཐུབ་ཅིང༌། ང་ཚོས་ད་དུང་ཆོག་ཤེས་ཀྱི་གལ་ཆེའི་རང་བཞིན་དེའང་རྟོགས་ཐུབ་ཀྱི་རེད།
རང་ཉིད་ནི་ད་དུང་འགན་ཁུར་བའི་མི་ཞིག་ཀྱང་བྱེད་དགོས།
ང་ཚོས་སྤྱི་སེམས་གོང་འཕེལ་དུ་གཏོང་དགོས་པར་མ་ཟད། འགན་ཁུར་བའི་མི་ཞིག་ཀྱང་བྱེད་དགོས། ང་ཚོས་རང་གི་ལྟ་བ་རྣམས་ལག་ལེན་དུ་མ་བཏབ་ན། དེ་རྣམས་ནི་བསམ་བློ་ཙམ་གྱི་ངོས་ནས་ལྷག་ཡོད།
ཚན་རིག་དང་ཆོས་གཉིས་མཐུན་ཐབས་མེད་པའི་ལྟ་ཚུལ་དེ་མཁྲེགས་པོར་གནས་མེད།
ཚན་རིག་དང་ཆོས་གཉིས་ནི་མཐུན་ཐབས་མེད་པའི་ལྟ་ཚུལ་དེའང་སྔར་བཞིན་མཁྲེགས་པོར་གནས་མེད་པ་དང༌། ལྟ་ཚུལ་འདི་ནི་ནང་པ་མང་པོས་ཀྱང་གཅིག་མཚུངས་སུ་བཟུང་ཡོད། ད་ལྟ་དངོས་ཡོད་གནས་ལུགས་དང་འབྲེལ་བའི་ཚན་རིག་གི་ཤེས་རྟོགས་ཇེ་ཟབ་ཏུ་སོང་བ་དང་ཆབས་ཅིག །ཚན་རིག་དང་ཆོས་གཉིས་མཐུན་ཐབས་མེད་པའི་ལྟ་ཚུལ་དེ་ལའང་འགྱུར་བ་འགྲོ་བཞིན་ཡོད།
ངེས་པར་དུ་གཞན་གྱི་ཡོན་ཏན་ལ་རྗེས་སུ་ཡི་རང་བྱེད་པའི་འབད་བརྩོན་བྱེད་དགོས།
ང་ཚོས་རང་ཉིད་གང་ཟག་གཞན་དག་དང་བསྡུར་སྐབས། ངེས་པར་དུ་གཞན་གྱི་བཟང་ཕྱོགས་ཀྱི་ཡོན་ཏན་ལ་རྗེས་སུ་ཡི་རང་བྱེད་པའི་འབད་བརྩོན་བྱེད་དགོས་ལ། རང་གིས་རང་ཉིད་ལ་ལྟ་སྐབས། རང་ཉིད་ཀྱི་སྐྱོན་ངོས་བཟུང་ནས་དེ་དག་སྤོང་ཐབས་ལ་འབད་དགོས།
རྟག་པར་གཞན་ཕན་གྱི་བསམ་བློའི་གལ་ཆེའི་རང་བཞིན་ནན་བཤད་བྱེད་ཀྱི་ཡོད།
ཕུལ་དུ་བྱུང་བའི་ཡོན་ཏན་དང་བདེ་སྐྱིད་ཐམས་ཅད་གཞན་ལ་ཕན་པ་སྒྲུབ་འདོད་ཀྱི་འདུན་པ་ལས་འབྱུང་ལ། ཆོས་དང་འཇིག་རྟེན་གྱི་གྲུབ་འབྲས་གང་ཡིན་ཀྱང་ཆོག །བཟང་པོའི་ཡོན་ཏན་ཐམས་ཅད་ནི། གཞན་ལ་ཕན་པ་སྒྲུབ་འདོད་ཀྱི་བསམ་བློ་ལ་བརྟེན་ནས་འབྱུང་།
སེམས་ཁྲལ་ཆེན་པོ་ཡོད་ན་སོ་སོའི་མཐའ་འཁོར་དེ་ལོངས་སུ་སྤྱོད་རྒྱུ་ཁག་པོ་ཡིན།
གལ་སྲིད་ང་ཚོས་ལུས་དང་སེམས་ལས་བྱུང་བའི་བདེ་སྐྱིད་ཀྱི་རིམ་པ་འདི་གཉིས་ཕན་ཚུན་གཤིབ་བསྡུར་བྱས་ན། སེམས་ནས་བྱུང་བའི་བདེ་སྡུག་གི་མྱོང་བ་ནི། ལུས་ཀྱི་བདེ་སྡུག་གི་མྱོང་བ་ལས་སྟོབས་ཆེན་པོ་ཡིན་པ་ང་ཚོས་ཤེས་རྒྱུ་རེད། དཔེར་ན། ང་ཚོ་ཤིན་ཏུ་སྤྲོ་སྣང་ལྡན་པའི་ཁོར་ཡུག་ཅིག་གི་ནང་དུ་ཡོད་ནའང་། ང་ཚོའི་ཡིད་ཞུམ་པ་དང་། ཡང་ན། སེམས་ཁྲལ་ཆེན་པོ་ཡོད་ན། སོ་སོའི་མཐའ་འཁོར་དེ་ལོངས་སུ་སྤྱོད་རྒྱུ་ཁག་པོ་ཡིན།
ཁྱོད་ཀྱི་ཁྱིམ་མཚེས་ལ་སེམས་ཁྲལ་སློང་གི་ཡོད།
གལ་སྲིད་ཁོ་རང་དྲང་བདེན་མེད་བཞིན་དུ། རང་ཉིད་ཞི་ལྷོད་དང་སྐྱིད་པོ། ད་དུང་ཞི་བདེ་ཡོད་པའི་ཐོག་ལ། ལུས་ཕུང་ཡང་བདེ་ཐང་ཡིན་ན། རང་ཉིད་ལ་མུ་མཐུད་ནས་དགའ་སྤྲོ་ཡོད་པར་མ་ཟད། གྲོགས་པོ་མང་པོ་ཞིག་ཀྱང་ཐུག་འཕྲད་དུ་ཡོང་གི་རེད།
བྱམས་བརྩེ་དངོས་གནས་དེ་གཙོ་བོ་གཞན་ལ་སེམས་ཁུར་བྱེད་པའི་བསམ་པ་ཞིག་ཡིན།
ང་ཚོས་སེམས་ཅན་ངེས་ཅན་ཞིག་སེམས་ཐག་ཉེ་བའི་གྲོགས་པོ་དང་གཉེན་ཉེར་བརྩི་ནའང་། གཞན་རྣམས་ཁོ་ཚོས་ང་ཚོ་དང་ང་ཚོའི་གྲོགས་པོ། ང་ཚོའི་གཉེན་ཉེ་དང་ང་ཚོའི་རྒྱུ་དངོས་ལ་སྔར་གནོད་འཚེ་བཏང་ཞིང་། ད་ལྟ་གཏོང་བ་དང་། མ་འོངས་པར་ཡང་གཅིག་མཚུངས་སུ་གཏོང་ངེས་རེད་་སྙམ་པའི་བློ་ཡིས་རྒྱང་རིང་དུ་འཇོག་གི་ཡོད། འདི་ལྟ་བུའི་བསམ་བློ་ལ་བརྟེན་ནས་ང་ཚོ་སེམས་ཅན་འདིའི་རིགས་ཀྱི་ཕྱོགས་སུ་སྡང་སེམས་སྐྱེ།
བྱམས་བརྩེའི་ནུས་སྟོབས་ཇེ་ཆེར་འགྲོ་བ་རེད།
ང་ཚོས་སྡུག་བསྔལ་གྱིས་མནར་བའི་སེམས་ཅན་ཞིག་ལ་བསམ་བློ་གཏོང་སྐབས། སེམས་ཅན་དེས་སྡུག་བསྔལ་མི་འདོད་པ་ནི་ང་ཚོ་དང་གཅིག་མཚུངས་སུ་ཤེས་དགོས། སྡུག་བསྔལ་དེ་ལས་དགྲོལ་ནུས་ན་ཅི་མ་རུང་། སྡུག་བསྔལ་དེ་ལས་གྲོལ་བར་ཤོག་སྙམ་པའི་སྨོན་འདུན་གྱི་བསམ་བློ་ཞིག་ཉམས་སུ་ལེན་པ་དང་། ད་དུང་སྡུག་བསྔལ་ལས་འགྲོལ་བྱེད་ཀྱི་ཐབས་ལམ་རྟོགས་ཤིང་། ཤེས་རྟོགས་དེ་ལ་བརྟེན་ནས་གཞན་གྱི་སྡུག་བསྔལ་མཐོང་ཚེ། ང་ཚོའི་རྒྱུད་ཀྱི་བྱམས་བརྩེའི་ནུས་སྟོབས་ཇེ་ཆེར་འགྲོ་བ་རེད།
