སློབ་གྲྭའི་ནང་སློབ་ཚན་དང་དགེ་རྒན་གྱི་སློབ་ཁྲིད་བྱེད་ཐབས་ཀྱི་བཟང་སྤྱོད།
ཉེ་བའི་ལོ་ངོ་བཅུ་ཕྲག་ནང། འཛམ་གླིང་གི་ས་ཁུལ་གཞན་ལྟར་ཁུལ་དེ་ཆོས་ལུགས་རིས་མེད་དུ་གྱུར་པ་དང་། ཡུལ་གཞན་ནས་གནས་སྤོས་པའི་རྐྱེན་གྱིས་ད་དུང་རིག་གཞུང་སྣ་ཚོགས་དང་ཆོས་ལུགས་སྣ་ཚོགས་སུ་གྱུར། འགྱུར་བ་དེ་དག་ལ་བསམ་ཞིབ་བྱས་ན། སྲོལ་རྒྱུན་ཆོས་ཕྱོགས་ཀྱི་ཐབས་ལམ་ཐོག་ལ་བློས་འགེལ་ཤུགས་དྲག་མ་བྱས་པར། ཞིང་ཆེན་གྱི་དཔོན་རིགས་ཚོས་སློབ་གྲྭ་ཁག་གི་ནང་བཟང་སྤྱོད་སློབ་ཁྲིད་བྱེད་པའི་ཐབས་ལམ་གསར་པ་ཞིག་འཚོལ་སྒྲུབ་བྱེད་བཞིན་ཡོད།
ནང་སེམས་ཀྱི་རིན་ཐང་ཐད་ཚན་རིག་གི་སྒྲུབ་བྱེད་བརྟན་པོ་ཞིག་རིམ་པས་ཐོན་ངེས།
བདེ་སྐྱིད་ནི། ཚན་རིག་གིས་བཟོ་སྐྲུན་བྱས་པའི་དངོས་པོ་དེ་དག་ལ་བརྟེན་ནས་སྒྲུབ་ཐུབ་པར་ཆ་འཇོག་བྱེད་ཀྱི་ཡོད་པའང་ཧང་སང་དགོས་དོན་མེད། ཚན་རིག་གི་དུས་སྐབས་ཤིག་གི་ནང་། ནང་སེམས་ཀྱི་རིན་ཐང་དང་བཟང་སྤྱོད་ལྡན་པའི་མི་ཚེ་དགོས་པའི་སྒྲུབ་བྱེད་འཕེར་ཤོས་ནི། ཚན་རིག་གི་ཐོག་ནས་འགྲེལ་བརྗོད་ཆ་ཚང་བ་ཞིག་བྱ་རྒྱུ་དེ་ཤིན་ཏུ་འོས་པར་སྣང་།
རྙོག་འཛིང་ཆེ་བའི་དཀའ་ངལ་ནི་བཟང་སྤྱོད་ཉམས་རྒུད་དུ་ཕྱིན་པའི་མཇུག་འབྲས་ཡིན།
དངུལ་དང་དཔལ་འབྱོར། དུས་ཀྱི་གཉན་འཕྲང་། དཀའ་རྙོག །དམག་འཁྲུག་སྐོར་གྱི་རྒྱུན་ཆད་མེད་པའི་སྙན་ཐོར་ངོས་ནས་ཉན་འཇོག་བྱེད་སྐབས། འཛམ་གླིང་ནང་ང་ཚོར་འཕྲད་བཞིན་པའི་ལྐོག་ཟ་རུལ་སུངས་དང་། ཁོར་ཡུག །ཆབ་སྲིད་སོགས་ཀྱི་རྙོག་འཛིང་ཆེ་བའི་དཀའ་ངལ་རྣམས་ནི། བཟང་སྤྱོད་དང་ནང་སེམས་ཀྱི་རིན་ཐང་ཉམས་རྒུད་དུ་ཕྱིན་པའི་མཇུག་འབྲས་སུ་ངེས་པའི་བསམ་བློ་ཞིག་ངོས་ལ་ཧ་ལམ་རྒྱུན་དུ་འཁོར་གྱི་འདུག
ནང་གི་ཀུན་སློང་ནི་བཟང་སྤྱོད་ཀྱི་ཁྱད་ཆོས་གལ་ཆེ་ཤོས་ཤིག་ཡིན།
བཟང་སྤྱོད་ཀྱི་བསམ་ཚུལ་དངོས་གནས་དེ་ཀུན་སློང་ལ་བསམ་ཞིབ་མ་བྱས་པར་ཡོང་ཐབས་མེད། གལ་སྲིད་ང་ཚོས་སོ་སོའི་མགོ་ཤིང་སྡོང་ཞིག་ལ་བརྡབས་པ་ན། ང་ཚོས་ཤིང་སྡོང་ལ་ཁག་དཀྲི་བྱེད་དམ། དེ་ལྟར་མི་བྱེད་པ་བརྗོད་མི་དགོས། ཀུན་སྤྱོད་ཀྱི་འགན་འཁྲིའི་བསམ་ཚུལ་གྱིས་ནང་གི་ཀུན་སློང་ཁྲོད་གང་གཏོགས་པ་སྔོན་ཚུད་ནས་ཚོད་དཔག་བྱེད་ཀྱི་ཡོད།
ཐལ་ཆ་ཆེ་བའི་སྒོ་ནས་གཞན་ལ་འབྲེལ་གཏུགས་བྱེད་པའི་ཕན་མེད་ཀྱི་རང་བཞིན།
དེ་རིང་ང་ཚོས་སོ་སོའི་དགྲ་བོར་བརྩི་བའི་མི་རྣམས་གཏན་དུ་དེ་ལྟར་གནས་ངེས་མིན་ལ། དེ་ནི་ང་ཚོའི་གཉེན་གྱི་ཕྱོགས་ལའང་གཅིག་མཚུངས་ཡིན།
ཆོས་ལུགས་ནི་སེམས་དོན་རིག་པའི་མི་ཚེར་མེད་དུ་མི་རུང་བ་ཞིག་རེད།
མི་རིང་བར་མི་རྣམས་ཀྱིས་ཆོས་ལུགས་ཡོངས་སུ་འདོར་སྲིད་པའི་བསམ་བློ་འཁོར་མཁན་ཡང་ཡོད། ང་རང་དེའི་གྲས་སུ་མེད། དེ་ལས་ལྡོག་སྟེ། དད་པ་ནི། བཟང་ཕྱོགས་ཀྱི་སྟོབས་ཤུགས་ཤིག་ཡིན་ཞིང་། ཕན་ཐོགས་ཧ་ཅང་ཆེན་པོ་ཞིག་ཏུ་འགྱུར་ཐུབ་པར་ངས་ཡིད་ཆེས་བྱེད་ཀྱི་ཡོད།
ཆོས་དང་མ་འབྲེལ་བའི་བཟང་སྤྱོད་ཀྱི་ཀ་བ་གཉིས།
ཡོངས་ཁྱབ་ཏུ་ཁས་ལེན་ནུས་པའི་ཆོས་དང་མ་འབྲེལ་བའི་བཟང་སྤྱོད་ལ་འཇུག་པའི་ཐབས་ལམ་ཆ་ཚང་བ་ཞིག་ལ། གཞི་རྩའི་རྩ་འཛིན་གཉིས་ཁོ་ན་ངོས་འཛིན་དགོས་པར་ཡིད་ཆེས་བྱེད་ཀྱི་ཡོད། འགྲོ་བ་མི་ཡིན་པའི་ཆ་ནས་དེ་གཉིས་ཀ་ང་ཚོའི་རྒྱུན་ལྡན་གྱི་མྱོང་བ་དང་རྒྱུན་ཤེས་ཀྱི་ཐོག་ལ་གཞི་བཞག་སྟེ་ལས་སླ་བོར་ཤེས་རྟོགས་ཐུབ།
ང་ཚོར་ཇ་མེད་པར་གནས་ཐུབ་ཀྱང་། ཆུ་མེད་པར་གནས་མི་ཐུབ།
ངོས་ནས་བཟང་སྤྱོད་དེ་ཆོས་ལུགས་ལ་རག་ལས་མེད་ཚུལ་སྒྲུབ་པ་དེ་ཅུང་སྟབས་བདེ་པོ་ཞིག་ཡིན། སེམས་དོན་རིག་པའི་ཐོག་ནས་དེ་ལ་ཕྱོགས་གཉིས་ཡོད་པ་ངས་མཐོང་གི་འདུག ཕྱོགས་དང་པོ་ནི། ནང་བསམ་བློ་དང་སེམས་ཚོར་གྱི་སྟོབས་ཤུགས། ཆ་མཉམ་བཅས་ཡོད་པའི་རྩ་བའི་སེམས་ཀྱི་བདེ་ཐབས་དེ་ཡིན། དེ་ནི་ཆོས་ལུགས་ལ་མ་བརྟེན་པར། སྙིང་རྗེ་དང་། སེམས་པ་བཟང་པོ། གཞན་ལ་གཅེས་སྐྱོང་་་་་་་་
དུས་རབས་ཉི་ཤུ་རྩ་གཅིག་པ་དེ་གྲོས་མོལ་གྱི་དུས་རབས་ཤིག་ཏུ་འགྱུར་ཐུབ་པ་བྱེད་དགོས།
འཛམ་གླིང་ནང་གཅིག་ལ་གཅིག་བརྟེན་གྱི་འབྲེལ་བ་གཏིང་ཟབ་ཡོད་པའི་དུས་སྐབས་འདིར། དམག་འཁྲུག་ནི་དུས་ཚོད་ཡོལ་ཟིན་ཞིང་རྒྱུ་མཚན་དང་མི་ལྡན་པ་ཞིག་ཡིན། གནའ་བོའི་དུས་སུ་སྡེ་ཚན་གཉིས་ཀྱི་ཁེ་ཕན་ཕྱོགས་ཡོངས་ནས་ཐ་དད་དུ་ཡོད་སྐབས། དྲག་སྤྱོད་ནི་མཐའ་མའི་ཐབས་ལམ་ཞིག་ཏུ་བེད་སྤྱོད་བྱེད་པར་རྒྱུ་མཚན་ཞིག་ཡོད་ཤས་ཆེ།
གཞན་ལ་སེམས་ཁུར་བྱེད་པ་ནི་ང་ཚོ་རང་གི་ཁེ་ཕན་ཙམ་མིན།
རང་འདོད་མེད་པ་དང་གཞན་ལ་སེམས་ཁུར་བྱེད་པ་ནི། ང་ཚོ་རང་གི་ཁེ་ཕན་ཙམ་མ་ཡིན་པར། ང་ཚོའི་ལུས་པོའི་གྲུབ་ཆའི་རང་བཞིན་གྱི་ཐོག་ནས་རང་ཆས་སུ་ཡོད་པའང་བསྟན་ཡོད། དེ་ལྟ་བུའི་དཔང་རྟགས་ང་ཚོ་སྒེར་གྱི་མྱོང་བ་དང་མཉམ་སྡེབ་བྱས་ཤིང་། རྒྱུན་ཤེས་དང་ཟུང་འབྲེལ་བྱས་ན། ང་རང་གི་བསམ་པར། ཆོས་ལུགས་ཀྱི་ལྟ་གྲུབ་བམ་དད་པར་རྩ་བ་ནས་མ་བརྟེན་པར་འགྲོ་བ་མིའི་གཞི་རྩའི་རིན་ཐང་བློ་སྦྱོང་བྱེད་པའི་ཕན་ཡོན་ཐད་སྒྲུབ་བྱེད་ཤུགས་ཆེན་ཞིག་བསྐྲུན་ཐུབ། དེ་ལ་ངས་དགའ་བསུ་ཞུ་བཞིན་ཡོད།
