གཞན་གྱི་བཀའ་དྲིན་དྲན་པའི་ཐབས་ལམ་དམིགས་བསལ་བ།
གཞན་གྱི་བཀའ་དྲིན་དྲན་པའི་ཐབས་ལམ་དམིགས་བསལ་གཅིག་ནི། འགྲོ་བ་རྣམས་ང་ཚོའི་གཉེན་ཉེར་གྱུར་མྱོང་བའི་རྒྱུ་མཚན་ཙམ་མིན་པར། དེ་དག་ཐད་ཀ་དང་ཐད་ཀར་མ་ཡིན་པའི་ཕྱོགས་མང་པོ་ཞིག་ནས་ང་ཚོ་ལ་བཀའ་དྲིན་ཅན་དུ་བསམ་ཞིབ་བྱ་རྒྱུ་དེ་རེད།
བདེ་སྐྱིད་ཀྱི་རྒྱུ་སྒྲུབ་པ་དང་སྡུག་བསྔལ་གྱི་རྒྱུ་སྤོང་བའི་གོ་སྐབས་ཡོད།
ང་ཚོས་བདེ་སྐྱིད་འདོད་ལ། སྡུག་བསྔལ་མི་འདོད། ང་ཚོ་ལ་བདེ་སྐྱིད་ཀྱི་རྒྱུ་སྒྲུབ་པ་དང་སྡུག་བསྔལ་གྱི་རྒྱུ་སྤོང་བའི་གོ་སྐབས་ཡོད། གལ་སྲིད་ང་ཚོས་གོ་སྐབས་འདི་ལྟ་བུ་དམ་འཛིན་མི་བྱེད་པ་དང་དགེ་བའི་ཕྱོགས་སུ་གོམ་ཁ་མ་བསྒྱུར་ཚེ། དེ་ལས་ལྷག་པའི་བླུན་པོ་ཞིག་ཡོད་དམ།
རང་གི་བདེ་སྐྱིད་ནི་རང་ཉིད་ཀྱི་ལག་ཏུ་ཡོད།
ཆོས་རྣམས་ཕྱི་རོལ་གྱི་བྱེད་པོ་ཞིག་གིས་གསར་སྐྲུན་བྱས་པའམ། ཡང་ན། དེའི་བློའི་གཡོ་བ་སྔོན་དུ་བཏང་ནས་བསྐྲུན་པར་ཡིད་ཆེས་མི་བྱེད་ལ། རྟག་བརྟན་གྱི་རྒྱུ་ཞིག་ལས་འབྱུང་བར་ཡང་ཡིད་ཆེས་མི་བྱེད།
གཞན་གྱི་བདེ་སྐྱིད་ལས་རྙེད་པའི་བདེ་སྐྱིད་ནི་ལྷད་མེད་པའི་བདེ་སྐྱིད་དྭངས་མ་དེ་ཡིན།
རྟག་པར་གཞན་ལ་དམའ་འབེབས་བྱེད་པ་དང་ཡིད་བསུན་བཟོ་མཁན་གྱི་མི་ཡིས། རྟག་པར་རང་ཉིད་ལ་ཡང་ཡིད་བསུན་བཟོ་བ་རེད།
གཞན་ལ་འབྲེལ་འདྲིས་བཟང་པོ་ཡོད་པའི་མི་ཚེ་ཞིག་ལ་འབད་བརྩོན་བྱེད་དགོས།
ང་ཚོར་ཚོགས་གསོག་པའི་མཐུན་རྐྱེན་སྤྲོད་པའི་ཕྱོགས་ནས་སངས་རྒྱས་དང་སེམས་ཅན་གཉིས་བསྡུར་བ་ཡིན་ན། སངས་རྒྱས་ལས་སེམས་ཅན་གྱིས་ང་ཚོར་མཐུན་རྐྱེན་རྒྱ་ཆེན་ཞིག་སྦྱོར་གྱི་ཡོད།
སེམས་ཅན་གཞན་གྱི་བདེ་སྐྱིད་ཀྱང་གོང་འཕེལ་དུ་འགྲོ་བ་ཡིན།
ཚེ་འདི་ལ་མཚོན་ནའང་། མི་ཞིག་གི་འབྱུང་འགྱུར་ལ་ཁག་ཐེག་ཅི་ཡང་མེད་ཀྱང་། ང་ཚོས་ཉི་མ་རེ་རེའི་འཚོ་བ་དེ་རེ་བའི་ངང་ནས་སྐྱེལ་གྱི་ཡོད།
འཛུམ་མདངས་སྟོན་ཐུབ་པ་ནི་འགྲོ་བ་མིའི་ཁྱད་ཆོས་ཆེས་ཡིད་དུ་འོང་བ་ཞིག་ཡིན།
བྱམས་སེམས་ལ་རྗེས་སུ་ཡི་རང་བ་ནི། འགྲོ་བ་མིའི་འཛུམ་མདངས་ཤིག་ལ་བྱིན་པའི་སོ་སོའི་ཡ་ལན་གྱི་ནང་དུ་གསལ་པོ་ཡིན་ཞིང༌། ང་རང་ལ་མཚོན་ན། འཛུམ་ཐུབ་པའི་ནུས་པ་འདི་ནི་ང་ཚོ་འགྲོ་བ་མིའི་ཁྱད་ཆོས་ཆེས་ཡིད་དུ་འོང་བ་ཞིག་ཡིན་ལ། དུད་འགྲོ་གང་གིས་ཀྱང་འཛུམ་སྟོན་མི་ཐུབ།
ནང་སེམས་ཀྱི་ཞི་བདེ་དེ་སྐད་ཅིག་ཉིད་ལ་འཇོམས་ཀྱི་ཡོད།
ནུབ་ཕྱོགས་སེམས་ཁམས་རིག་པའི་ནང་དུ། མྱོང་ཚོར་གྱི་རིགས་དང་། ཐ་ན། ཁོང་ཁྲོའང་ཕྱིར་འདོན་པར་སྐུལ་མ་ཡང་ཡང་བྱེད་ཀྱི་འདུག
རང་ཉིད་དམའ་སར་བཞག་ཅིང་གཞན་མཆོག་ཏུ་བཟུང་ཚེ་ཞི་བདེ་འབྱུང་གི་རེད།
གལ་ཏེ་ང་ཚོས་རང་ཉིད་གཙིགས་སུ་བཟུང་ནས་ཆེས་མཐོ་བའི་གོ་ས་ཞིག་འཛིན་འདོད་སྐྱེས་ཚེ། ཚེ་འདི་ལ་དགྲ་བོ་མང་དུ་འབྱུང་ཞིང་། གཞན་གྱིས་ང་ཚོའི་སྐོར་ལ་ངན་བཤད་བྱེད་པ་དང་། ང་ཚོའི་ཉེ་འཁོར་ལ་སྡང་སེམས་ཀྱིས་ཁེང་རྒྱུ་ཡིན་ཞིང། སྐྱེ་བ་ཕྱི་མར་ང་ཚོ་གླེན་པ་དབང་རྟུལ་ཞིག་ཏུ་སྐྱེ་རྒྱུ་རེད།
ཉོན་མོངས་པའི་མྱོང་ཚོར་ནི་རྩོད་རྙོག་གི་སྲོག་རླུང་ལྟ་བུ་ཡིན།
ང་ཚོ་རེ་རེ་ལའང་བཅོས་མ་མིན་པའི་ཞི་བདེ་ཞིག་གི་ཆ་རྐྱེན་བསྐྲུན་པའི་འོས་འགན་རེ་ཡོད་པ་དང༌། ང་ཚོས་རང་ཉིད་ཀྱི་ཉོན་མོངས་པའི་སེམས་བྱུང་ལ་གདོང་ལེན་བྱས་ནས་དགེ་བའི་ཡོན་ཏན་རྣམས་གོང་འཕེལ་དུ་གཏོང་བཞིན། རང་རྒྱུད་ཀྱི་དགྲ་བོའི་དཔུང་ཚོགས་འཇོམས་ཐབས་བྱས་ན། ང་ཚོས་རང་བཞིན་གྱིས་ཕྱིའི་གོ་མཚོན་བཀག་སྡོམ་གྱི་གྲོགས་སུ་འགྲོ་བའི་རྐྱེན་སྒྲུབ་ཀྱི་ཡོད།
