མི་ལ་གནས་རིམ་ཟབ་མོ་ཞིག་ནས་བདེ་བ་མྱོང་བའི་ནུས་པ་ཡོད།
བདེ་བའི་འཚོལ་སྙེག་ནི་གསོན་གནས་དང༌། ལུས་ཕུང་གི་བཀྲེས་སྐོམ་བསལ་བ་ཙམ་ལས་མ་འདས་པའི་དུད་འགྲོ་དང་མ་འདྲ་བར། ང་ཚོ་འགྲོ་བ་མི་ལ་གནས་རིམ་ཟབ་མོ་ཞིག་ནས་བདེ་བ་མྱོང་བའི་ནུས་པ་ཡོད་ལ། དེ་ལྟ་བུའི་བདེ་བ་ཞིག་རྙེད་ན།
ཀུན་སློང་ཞེས་པའི་གོ་དོན།
ང་ཚོའི་སྤྱོད་པའི་འབྲས་བུ་ནི། ཐད་ཀར་རང་ཉིད་ཁོ་ནར་བརྟེན་ནས་བྱུང་བའི་གནས་སྟངས་ཧ་ཅང་དཀོན་ཏེ། གྲུ་དཔོན་ཞིག་གིས་གྲུ་གཟིངས་ཆར་རླུང་དྲག་པོའི་ཁྲོད། བདེ་འཇགས་ངང་མཚོ་མཐར་སྐྱེལ་ཐུབ་མིན་དེ་ཁོ་རང་གི་སྤྱོད་པ་གཅིག་པུར་བརྟེན་པ་ཞིག་མ་རེད།
མི་དགེ་བའི་མྱོང་ཚོར་གྱི་ཤུགས་རྐྱེན་འོག་ཏུ་ལྷུང་ན་ཕར་རྒོལ་བྱེད་ངེས།
ཉེ་འབྲེལ་ཞིག་དང་ཁ་རྩོད་ཤོར་བའི་གནས་སྟངས་ནང་ང་ཚོ་ལྷུང་བར་མཚོན་ན། འདི་ལ་གདོང་ལེན་ཇི་ལྟར་བྱེད་མིན་ང་ཚོའི་ཀུན་སློང་ལ་གཙོ་བོར་རག་ལས་ཡོད། ཐ་ན། ཕ་རོལ་པོ་ལ་དུང་སེམས་ཆེན་པོ་ཞིག་བཅངས་ཡོད་ཀྱང༌། ང་ཚོའི་བློ་ཇི་ཙམ་མ་ཞི་བ་དེ་ཙམ་གྱིས་ང་ཚོས་ཕར་ལ་ཁ་རྡུང་གཏོང་བར་མ་ཟད། ཕྱིས་སུ་འགྱོད་པ་སྐྱེ་དགོས་པའི་བྱ་བའང་བྱེད་སྲིད།
གཞན་གྱིས་རང་ལ་བརྩི་བཀུར་བྱེད་པའི་ཐབས་ལམ་ལེགས་ཤོས་དེ་ཡིན།
གཞན་གྱིས་རང་ཉིད་མི་དགའ་སའི་ཡུལ་ཞིག་ལ་བསྟོད་བསྔགས་བྱེད་པའི་སྐབས་སུ། ང་ཚོས་རྒྱུན་དུ་ཕྲག་དོག་བྱེད་ཀྱི་ཡོད། འདི་ནི་ནོར་འཁྲུལ་རེད།
འགྲོ་བ་མི་གྲངས་མེད་ཅིག་གི་ཞབས་འདེགས་ཀྱི་འབྲས་བུ་ཞིག་ཆགས་ཡོད།
འགྲོ་བ་མི་ཡིན་པའི་ཆ་ནས། ང་ཚོའི་བདེ་སྡུག་ནི་གཞན་གྱི་བདེ་སྡུག་ལ་ཤུགས་ཆེར་བརྟེན་ཡོད་པ་དང་། ང་ཚོའི་འཚོ་གནས་ནི། འགྲོ་བ་སེམས་ཅན་མང་པོ་ཞིག་གིས་ཞབས་འདེགས་བསྒྲུབས་པའི་འབྲས་བུ་ཞིག་ཆགས་ཡོད།
སེམས་ཅན་ཐམས་ཅད་ལའང་འགན་འཁུར་དགོས།
རང་གི་གཉེན་ཉེ་དུ་དང་། ཡང་ན། རང་ཉིད་དང་རྒྱལ་ཁབ་བམ་གླིང་ཕྲན་གཅིག་པའི་མི་རྣམས་ཀྱི་བདེ་སྡུག་ཙམ་མིན་པར་སྐྱེ་བོ་ཀུན་གྱི་བདེ་སྡུག་ལ་དོ་ཁུར་བྱ་དགོས།
གཞན་ལ་འབྲེལ་བ་བྱེད་དུས་རང་ཉིད་གཞན་ལས་དམན་པར་བལྟ་དགོས།
སྡུག་བསྔལ་གྱིས་མནར་ཞིང་ཉམ་ཐག་པའི་སེམས་ཅན་ཐམས་ཅད་ལ་ང་ཚོས་སྙིང་རྗེ་དང་། བྱམས་པ། བརྩེ་བ་བྱེད་བཞིན་ཡོད་སྙམ་ནས་རང་ཉིད་གཞན་ལས་ལྷག་པ་ཡིན་སྙམ་པའི་བློ་ཞིག་ཡོད་མི་རུང་ཞིང་། དེ་ལས་ལྡོག་སྟེ། གཞན་མཆོག་ཏུ་བཟུང་ནས་མཐོ་སར་འཛིན་དགོས་པ་དང་། ང་ཚོས་གཞན་ལ་འབྲེལ་བ་བྱེད་དུས་རང་ཉིད་གཞན་ལས་དམན་པར་བལྟ་དགོས།
རང་ཉིད་ཞི་ཞིང་དུལ་བ་ཞིག་ཡིན་ན་རང་གི་དགྲ་བོས་ཀྱང་བར་ཆད་བྱེད་མི་ནུས།
ང་རང་གིས་ནན་ཏན་གྱིས་ཞུ་འདོད་པ་ཞིག་ལ། རང་ཉིད་ཆོས་ལ་ཡིད་ཆེས་ཡོད་རུང་མེད་རུང་། བྱམས་བརྩེ་ཉམས་སུ་བླངས་ན་སོ་སོའི་སེམས་ལ་ཞི་བདེའི་ལོངས་སྤྱོད་འབྱུང་ངེས་ལ། སེམས་ཀྱི་ཞི་བདེ་ལ་མཚོན་ན། བྱམས་བརྩེའི་རིན་ཐང་ཇི་ཙམ་ཆེ་བ་ཡང་རྟོགས་འོང་།
ཕྱོགས་ལྷུང་རྒྱུན་སྲིང་བྱེད་པ་ལ་རྒྱུ་མཚན་བཙན་པོ་ཞིག་མེད།
ཕྱོགས་ལྷུང་རྒྱུན་སྲིང་བྱེེད་པ་ལ་རྒྱུ་མཚན་བཙན་པོ་ཞིག་མེད་ལ། སློབ་དཔོན་ཆེན་མོ་གུང་ཐང་གིས་གསུངས་པ་ལྟར། ཐ་ན། ཚེ་འདི་ལ་ཡང་ཆེས་བཟང་བའི་གྲོགས་པོ་ཟེར་བ་དེ་ཚིག་ངན་གཅིག་ལ་བརྟེན་ནས་སྡང་བའི་དགྲ་རུ་འགྱུར་ཞིང་། ཚེ་སྟོད་ལ་གྲོགས་པོ་ཡིན་པའི་མི་དེ་ཚོ་ཚེ་སྨད་ལ་དགྲ་རུ་འགྱུར་སྲིད་པར་མ་ཟད། ཚེ་སྟོད་ལ་དགྲ་བོ་ཡིན་པའི་མི་དེ་ཚོ་ཚེ་སྨད་ལ་གྲོགས་པོར་འགྱུར་བའང་ཡོད་སྲིད།
དྲིན་དྲན་པ་གལ་ཆེ།
ཚེ་འདིར་རང་གི་མས་གནང་བའི་བྱམས་བརྩེ་ལ་དྲིན་ལན་འཇལ་རྒྱུ་ཁག་པོ་ཡིན་ཞིང་། ང་ཚོ་རང་མགོ་མ་ཐོན་པའི་བྱིས་པའི་དུས་སུ། ཨ་མས་ང་ཚོ་བདག་སྐྱོང་བྱེད་པར་མཚན་མོ་མང་པོ་ལ་གཉིད་ཆག་པའི་དཀའ་སྡུག་མྱངས་ཡོད་ལ། མོས་ང་ཚོར་ཟ་མ་སྦྱིན་པ་དང་། ང་ཚོའི་ཆེད་དུ་སོ་སོའི་བདེ་བ་ཐམས་ཅད་དགའ་བཞིན་སྤྲོ་བཞིན་བློས་གཏོང་བྱས་ཡོད།
