ཞེ་སྡང་ལ་ཁ་གཏད་བཅག་ནས་རང་གི་བཟོད་པའི་ནུས་པ་དེ་གོང་འཕེལ་དུ་གཏོང་དགོས།
བཟོད་པ་སྒོམ་པའི་ནུས་པ་གོང་འཕེལ་དུ་གཏོང་བ་ནི་ང་ཚོའི་དམིགས་ཡུལ་ཡིན་པས། ཁྲོ་བ་དང་ལྷག་པར་དུ་ཞེ་སྡང་གི་སྟོབས་ཤུགས་ཟློག་དགོས་ཤིང་། ང་ཚོས་ཕྱོགས་སྣ་ཚོགས་ནས་ཐབས་འདྲ་མིན་ལ་བརྟེན་ནས་བཟོད་པ་ལ་གོམས་འདྲིས་བསྟེན་དགོས་པ་དང་། ཐབས་དེ་ཚོའི་ནང་དུ་འཚོ་བ་དང་རང་གི་ཉམས་མྱོང་གཅིག་པུ་མ་ཡིན་པར། བསམ་བློ་བེད་སྤྱད་དེ་གནས་སྟངས་དེ་མཐོང་བར་བྱས་ན། དེ་ལ་གདོང་ལེན་ཇི་ལྟར་བྱེད་དགོས་པ་ཤེས་པ་དེའང་ཚུད་ཡོད།
རང་ཉིད་ཀྱི་བསམ་བློའི་འཁྱེར་སོ་དེས་ཁྱད་པར་ཆེན་པོ་ཞིག་བཟོ་ཐུབ།
ང་ཚོས་རང་ཉིད་ལ་ལྷན་སྐྱེས་སུ་ཡོད་པའི་བྱམས་པ་དང་སྙིང་རྗེའི་ནུས་པ་གོང་འཕེལ་དུ་གཏོང་བར། དེ་དག་གི་ལྡོག་ཕྱོགས་སུ་སོང་བའི་བློ་རྣམས་ཀྱི་སྟོབས་ཤུགས་ལ་ཁ་གཏད་གཅོག་དགོས། ཕྱོགས་འདི་ནས་བཤད་ན། ང་ཚོས་བཟོད་པའི་ཉམས་ལེན་ཁོ་ནར་བརྟེན་ནས་སྙིང་རྗེའི་འགལ་རྐྱེན་དག་སེལ་ཐུབ་ཀྱི་ཡོད་པས། བཟོད་པའི་ཉམས་ལེན་ནི་ཤིན་ཏུ་གནད་འགག་ཅན་ཞིག་ཆགས་ཡོད།
ཉིན་རེའི་འཚོ་བའི་ནང་བཟོད་པ་གཙོ་གནད་དུ་བཟུང་ནས་ཉམས་ལེན་བྱེད་དགོས།
བཟོད་པའི་ཉམས་ལེན་ལ་ཐོག་མར་གོམས་འདྲིས་བྱེད་ཐབས་ལེགས་ཤོས་ནི། ང་ཚོས་དུས་ཚོད་བླངས་ནས་དེའི་ཕན་ཡོན་གྱི་སྐོར་ལ་གོ་རིམ་དང་ལྡན་པའི་སྒོ་ནས་བསམ་གཞིག་བྱེད་པ་འདི་ཡིན།
འཚེ་བ་མེད་པའི་རྩ་འཛིན་གྱི་བཀོལ་སྤྱོད།
ང་ཚོའི་དམིགས་འདུན་ལ་རང་གཅེས་འཛིན་དང༌། ཞེ་སྡང༌། བསླུ་སེམས་སོགས་ཀྱི་ལྷད་ཞུགས་ན། ང་ཚོའི་སྤྱོད་པ་ལ་ཕན་བདེ་བསྐྲུན་པའི་ཕྱི་ཚུལ་གྱི་རྣམ་པ་ཇི་ལྟར་ཆེ་ཡང༌། སྤྱོད་པ་དེ་ཚོའི་མཐར་ཐུག་གི་ཤུགས་རྐྱེན་ནི། རང་གཞན་གཉིས་ཀར་ལེགས་པའི་ཆ་དང་ལྡན་པ་ཞིག་མིན།
བླང་དོར་ནི་གང་ཟག་སྒེར་སོ་སོའི་གདམ་ཀའི་གནད་དོན་ཞིག་ཏུ་ངོས་འཛིན་བྱེད་ཀྱི་ཡོད།
ཚན་རིག་གི་གྲུབ་འབྲས་ལ་བརྟེན་པ་མང་དྲགས་ན་གནོད་སྐྱོན་ཅི་ཞིག་འབྱུང་བ་ང་ཚོས་ངོས་འཛིན་དགོས་པའང་གལ་ཆེན་ཡིན། དཔེར་ན། ཆོས་ལུགས་ཀྱི་ཤན་སྟོབས་ཉམས་པ་དང༌། ཉིན་རེའི་འཚོ་བའི་ནང་དུ་ང་ཚོས་རང་ཉིད་ཀྱི་སྤྱོད་ལམ་ཇི་ལྟར་བཀོད་འདོམས་བྱེད་དགོས་པའི་དཀའ་ངལ་དང་འབྲེལ་ནས་མགོ་རྙོག་མང་པོ་འབྱུང་བཞིན་ཡོད།
བླང་དོར་གྱི་སྒྲིག་ཁྲིམས་དེ་དང་དུ་ལེན་དགོས་པ་ཞིག་ཡིན།
བླང་དོར་གྱི་སྒྲིག་ཁྲིམས་ནི། བཀག་སྡོམ་ཙམ་གྱི་ངོ་བོ་ནས་གྲུབ་པ་ཞིག་མིན་པ་སླར་ཡང་བརྗོད་ན་ཕན་རླབས་ཆེ་ཞིང༌། དགེ་བ་འཚོལ་སྒྲུབ་ཀྱང་སྒྲིག་ཁྲིམས་དེའི་གྲུབ་ཆ་ཞིག་ཡིན།
དད་པ་དང་ཤེས་རབ་ནི་གཅིག་ཕན་གཅིག་གྲོགས་ཡིན།
ནང་པའི་གཞུང་དུ་དད་པ་ཞེས་པ་ནི། ངེས་པར་དུ་ཤེས་རབ་དང་རྣམ་དཔྱོད་ཀྱིས་དྲངས་པའི་དད་པ་ཞིག་ཏུ་གོ་དགོས་ཤིང་། དད་པ་ནི་ཤེས་རབ་ཀྱི་རྒྱབ་རྟེན་ཡོད་པ་ཞིག་དང་། ཤེས་རབ་ནི་དད་པ་དང་སྙིང་རྗེ་ལ་གཞི་བཅོལ་བ་ཞིག་ཡིན་དགོས། དེ་གཉིས་ནི་གཅིག་ཕན་གཅིག་གྲོགས་ཡིན།
སྣང་ཙམ་ལས་འདས་ཏེ་རང་ངོས་ནས་གྲུབ་པས་སྟོང་པ་ངེས་ཀྱི་ཡོད།
བདག་མེད་རྟོགས་པ་ལ། ཆོས་ཐམས་ཅད་ཀུན་རྫོབ་བདེན་པ་དང་དོན་དམ་བདེན་པ་ཞེས་བདེན་པ་གཉིས་སུ་འདུས་པའི་ཚུལ་དེ་ཤེས་དགོས། ང་ཚོར་སྣང་ཞིང་སྲིད་པའི་ཉེ་འཁོར་གྱི་ཆོས་རྣམས་ནི། རྒྱུ་རྐྱེན་སྣ་ཚོགས་ལ་བརྟེན་ནས་བཟང་པོ་ནས་ངན་པའམ་ངན་པ་ནས་བཟང་པོར་འགྱུར་འགྲོ་བ་ལས། ཡུལ་རང་གི་ངོས་ནས་བཟང་ངན་གང་ཡིན་བཤད་མི་ཐུབ།
པོ་ཏི་ལྔའི་རྩ་བ་ནི་ཤེར་ཕྱིན་ཡིན་པར་གསུངས།
ང་ཚོས་དུས་རབས་བཅོ་བརྒྱད་པའི་ནང་གི་བོད་ཀྱི་ཕུལ་བྱུང་གི་མཁས་པ་འཇམ་དབྱངས་བཞད་པ་ངག་དབང་བརྩོན་འགྲུས་ཀྱི་རྣམ་ཐར་ལས། ཤེར་ཕྱིན་གྱི་མདོ་རྣམས་ཀྱི་གལ་གནད་མཐོང་ཐུབ་ཅིང་། ཁོང་ནི་ཀུན་གྱིས་བསྔགས་སའི་གཞུང་ཆེན་གྱི་འགྲེལ་བ་མཛད་མཁན་ཞིག་ཡིན་པར་མ་ཟད། རྟོགས་པ་མཐོ་བའི་ཉམས་ལེན་པ་ཞིག་ཀྱང་ཡིན།
ནང་གི་དགྲ་བོ་ལ་འཐབ་འཛིང་བྱ་དགོས་པའི་འགན་འཁྲི་ཞིག་ཡོད།
སྤྱིར་བཏང་གི་དགྲ་བོ་ཞིག་གིས་བདེ་འཇགས་ཀྱི་ས་ཁུལ་ཞིག་ཏུ་སོང་ནས་དཔུང་ཚོགས་བསྐྱེད་ནས་ཚུར་སླར་ཡང་རྒོལ་བ་བྱེད་སྲིད། འོན་ཀྱང་། ང་ཚོས་སོ་སོའི་རྒྱུད་ཀྱི་ཉོན་མོངས་རྣམས་གཉེན་པོར་བསྟེན་ནས་ཐེངས་གཅིག་ལ་མེད་པར་བཟོས་ན། ཉོན་མོངས་དེ་རྣམས་གང་དུ་ཡང་གཡོལ་ས་མེད་ལ། ང་ཚོར་གནོད་པ་སྐྱེལ་བར་ཕྱིར་ཡོང་མི་ཐུབ།
