ང་ཚོ་རེ་རེ་ལའང་བཅོས་མ་མིན་པའི་ཞི་བདེ་ཞིག་གི་ཆ་རྐྱེན་བསྐྲུན་པའི་འོས་འགན་རེ་ཡོད་པ་དང༌། ང་ཚོས་རང་ཉིད་ཀྱི་ཉོན་མོངས་པའི་སེམས་བྱུང་ལ་གདོང་ལེན་བྱས་ནས་དགེ་བའི་ཡོན་ཏན་རྣམས་གོང་འཕེལ་དུ་གཏོང་བཞིན། རང་རྒྱུད་ཀྱི་དགྲ་བོའི་དཔུང་ཚོགས་འཇོམས་ཐབས་བྱས་ན། ང་ཚོས་རང་བཞིན་གྱིས་ཕྱིའི་གོ་མཚོན་བཀག་སྡོམ་གྱི་གྲོགས་སུ་འགྲོ་བའི་རྐྱེན་སྒྲུབ་ཀྱི་ཡོད། འཛམ་གླིང་ལ་ཞི་བདེ་ལྷད་མེད་ཅིག་ཡོད་དགོས་ན། དེ་ནི་ང་ཚོ་རེ་རེ་ནས་རང་ཉིད་ཀྱི་སེམས་འདུལ་སྦྱོང་བྱེད་པ་ཁོ་ནར་བརྟེན་ནས་ཡོང་དགོས་པ་ཞིག་ཡིན་ཏེ། ཉོན་མོངས་པའི་མྱོང་ཚོར་ནི་རྩོད་རྙོག་གི་སྲོག་རླུང་ལྟ་བུ་ཡིན། ང་ཚོས་གཞན་གྱི་བདེ་སྡུག་ཤེས་པར་བྱས་ནས་གཞན་དག་གི་བདེ་སྐྱིད་ཀྱི་ཐོབ་ཐང་རང་གི་ཐོབ་ཐང་དང་འདྲ་མཉམ་ཡིན་པ་ངོས་འཛིན་བྱེད་པ་བཞིན། གཞན་ལ་སྡུག་བསྔལ་གྱི་རྒྱུ་རུ་འགྲོ་བའི་ལས་ཅི་ཡང་མི་བསྒྲུབ་པ་ནི་གལ་ཆེན་ནང་གི་དོན་ཆེན་ཞིག་ཡིན།
(སྟོང་ལོ་གསར་བའི་བླང་དོར་གྱི་རྣམ་གཞག་ཅེས་པ་ལས་བཏུས།)
