རང་འདོད་མེད་པ་དང་གཞན་ལ་སེམས་ཁུར་བྱེད་པ་ནི། ང་ཚོ་རང་གི་ཁེ་ཕན་ཙམ་མ་ཡིན་པར། ང་ཚོའི་ལུས་པོའི་གྲུབ་ཆའི་རང་བཞིན་གྱི་ཐོག་ནས་རང་ཆས་སུ་ཡོད་པའང་བསྟན་ཡོད། དེ་ལྟ་བུའི་དཔང་རྟགས་ང་ཚོ་སྒེར་གྱི་མྱོང་བ་དང་མཉམ་སྡེབ་བྱས་ཤིང་། རྒྱུན་ཤེས་དང་ཟུང་འབྲེལ་བྱས་ན། ང་རང་གི་བསམ་པར། ཆོས་ལུགས་ཀྱི་ལྟ་གྲུབ་བམ་དད་པར་རྩ་བ་ནས་མ་བརྟེན་པར་འགྲོ་བ་མིའི་གཞི་རྩའི་རིན་ཐང་བློ་སྦྱོང་བྱེད་པའི་ཕན་ཡོན་ཐད་སྒྲུབ་བྱེད་ཤུགས་ཆེན་ཞིག་བསྐྲུན་ཐུབ། དེ་ལ་ངས་དགའ་བསུ་ཞུ་བཞིན་ཡོད།
(ཆོས་ལུགས་ཀྱི་མཚམས་ལས་འདས་པའི་སྤྱི་སྨན་གྱི་བཟང་སྤྱོད་ཅེས་པ་ལས་བཏུས།)
