ང་ཚོས་སྤྱི་སེམས་གོང་འཕེལ་དུ་གཏོང་དགོས་པར་མ་ཟད འགན་ཁུར་བའི་མི་ཞིག་ཀྱང་བྱེད་དགོས། ང་ཚོས་རང་གི་ལྟ་བ་རྣམས་ལག་ལེན་དུ་མ་བཏབ་ན། དེ་རྣམས་ནི་བསམ་བློ་ཙམ་གྱི་ངོས་ནས་ལྷག་ཡོད། དེ་བས་ན། ཆབ་སྲིད་པ་ཞིག་ལ་མཚོན་ན། རང་ཚུགས་དང་དྲང་བདེན་ཡོད་པའི་སྒོ་ནས་རང་གི་ལས་དོན་ལ་བརྩོན་པ་ནི་འོས་འགན་ཞིག་ཡིན་ཞིང༌། ཚོང་ལས་གཉེར་མཁན་ཞིག་ལ་མཚོན་ན། ལས་གཞི་གང་གི་ནང་དུའང་གཞན་གྱི་དགོས་མཁོ་ལ་བསམ་བློ་གཏོང་དགོས་པ་འོས་འགན་ཞིག་ཡིན། ཁྲིམས་རྩོད་པ་ཞིག་ལ་མཚོན་ན། དྲང་བདེན་གྱི་ཆེད་དུ་སོ་སོའི་ནུས་པ་ཡོད་ཚད་བཀོལ་བ་ནི་འོས་འགན་ཞིག་ཡིན།
(སྟོང་ལོ་གསར་བའི་བླང་དོར་གྱི་རྣམ་གཞག་ཅེས་པ་ལས་བཏུས།)
