ང་ཚོས་འཚོལ་བའི་བདེ་སྐྱིད་དང་། ང་ཚོས་འདོར་བར་བརྩོན་པའི་སྡུག་བསྔལ་གཉིས་ལ་ལྟ་སྐབས། བདེ་སྡུག་གི་མྱོང་བ་ཆེས་མངོན་གྱུར་པ་ནི། རང་གི་མཐའ་འཁོར་དུ་ཡོད་པའི་གཟུགས་སྒྲ་དྲི་རོ་རེག་བྱ་བཅས་ཀྱི་དབང་པོའི་ཤེས་པ་ལས་བྱུང་བའི་བདེ་སྡུག་གི་ཚོར་བ་དེ་དག་རེད། འོན་ཀྱང་། ད་དུང་མྱོང་བའི་རིམ་པ་གཞན་ཞིག་ཀྱང་ཡོད་ལ། བདེ་སྐྱིད་ངོ་མ་ནི་སེམས་ཁམས་ཀྱི་རིམ་པའི་ཐོག་ནས་ཀྱང་འཚོལ་སྒྲུབ་བྱེད་དགོས།
གལ་སྲིད་ང་ཚོས་ལུས་དང་སེམས་ལས་བྱུང་བའི་བདེ་སྐྱིད་ཀྱི་རིམ་པ་འདི་གཉིས་ཕན་ཚུན་གཤིབ་བསྡུར་བྱས་ན། སེམས་ནས་བྱུང་བའི་བདེ་སྡུག་གི་མྱོང་བ་ནི། ལུས་ཀྱི་བདེ་སྡུག་གི་མྱོང་བ་ལས་སྟོབས་ཆེན་པོ་ཡིན་པ་ང་ཚོས་ཤེས་རྒྱུ་རེད། དཔེར་ན། ང་ཚོ་ཤིན་ཏུ་སྤྲོ་སྣང་ལྡན་པའི་ཁོར་ཡུག་ཅིག་གི་ནང་དུ་ཡོད་ནའང་། ང་ཚོའི་ཡིད་ཞུམ་པ་དང་། ཡང་ན། སེམས་ཁྲལ་ཆེན་པོ་ཡོད་ན། སོ་སོའི་མཐའ་འཁོར་དེ་ལོངས་སུ་སྤྱོད་རྒྱུ་ཁག་པོ་ཡིན། དེ་ལས་ལྡོག་སྟེ། ང་ཚོ་ལ་ནང་སེམས་ཀྱི་བདེ་སྐྱིད་ཅིག་ཡོད་ན། ང་ཚོས་སོ་སོའི་ཁ་གཏད་དང་། རྐྱེན་ངན་སོགས་ལ་གདོང་གཏོད་རྒྱུ་ལས་སླ་པོ་ཡིན། འདིས་བསམ་བློ་དང་སེམས་ཀྱི་བདེ་སྡུག་ནི། ལུས་པོའི་བདེ་སྡུག་ལས་ཤིན་ཏུ་སྟོབས་ཆེ་བ་སྟོན་གྱི་ཡོད།
(གུ་ཡངས་ཀྱི་བསམ་བློ་ཞེས་པ་ལས་བཏུས།)
