གལ་སྲིད་མི་སྒེར་བ་ཞིག་གིས་བྱམས་བརྩེའི་སྟེང་ནས་གཞན་ལ་འབྲེལ་བ་བྱས་ཚེ། ཕུགས་ལ་མི་དེ་ཏན་ཏན་སྐྱིད་པོ་ཡོང་གི་རེད། མི་དགེ་བའི་བྱ་གཞག་ལ་བརྟེན་ནས་འཕྲལ་གྱི་ཁེ་ཕན་འབྱུང་སྲིད་ཀྱང་། སེམས་ཀྱི་གཏིང་ལ་མི་བདེ་བའི་ཚོར་བ་ཞིག་རྟག་ཏུ་འབྱུང་གི་རེད། བྱམས་བརྩེའི་བསམ་བློ་ནི་ཡ་ལན་མེད་པའི་སྙིང་རྗེའི་ཚོར་བ་ཙམ་ཞིག་ལ་བཤད་ཀྱི་མེད། དེང་དུས་ཀྱི་འགྲན་རྩོད་སྤྱི་ཚོགས་སུ་ང་ཚོས་མཚམས་རེར། རང་གི་ལངས་ཕྱོགས་བརྟན་པོར་འཛིན་དགོས། འོན་ཀྱང་། ང་ཚོར་ལངས་ཕྱོགས་དང་སྙིང་རྗེ་གཉིས་ཀ་ཡོད་ཆོག་ལ། འདི་ལྟར་འཚོ་བའི་མི་ནི་འཆི་བའི་སྐབས་སུ། ཏན་ཏན་འགྱོད་པ་མེད་པར་དགའ་བཞིན་སྤྲོ་བཞིན་དུ་འཆི་རྒྱུ་རེད།
(འཚོ་བའི་ཁྲོད་ཀྱི་དགའ་སྤྲོ་དང་། འཆི་བའི་སྐབས་ཀྱི་ཞི་བདེ་ཞེས་པ་ལས་བཏུས།)
