འགྲོ་བ་སེམས་ཅན་མཐའ་དག་ལ་ཁྱབ་པའི་སྙིང་རྗེ་ནི། ཁོ་ཚོའི་སྡུག་བསྔལ་ཤེས་པ་ལས་འབྱུང་དགོས་ལ། སྡུག་བསྔལ་སྒོམ་པའི་ཐབས་ལམ་དམིགས་བསལ་བ་གཅིག་ནི། ང་ཚོས་རང་ཉིད་ཀྱི་སྡུག་བསྔལ་བསྒོམས་ན། སྔར་ལས་ལྷག་པའི་ནུས་ཤུགས་དང་གྲུབ་འབྲས་ལྡན་པ་ཞིག་ཏུ་འབྱུང་བ་དང་། དེ་ནས་ང་ཚོས་སྒོམ་འདི་གཞན་གྱི་སྡུག་བསྔལ་གྱི་སྟེང་དུ་རྒྱ་སྐྱེད་བྱ་དགོས། གཞན་ལ་བཅངས་པའི་རང་ཉིད་ཀྱི་སྙིང་རྗེ་དེ་ནི། ཁོ་ཚོའི་སྡུག་བསྔལ་དེ་རྟོགས་པའི་ཚེ་ན་འཕེལ་གྱི་ཡོད། ན་ཚའི་ཟུག་གཟེར་དངོས་སུ་མྱོང་མཁན་ཞིག་དང་། ཡང་ན། གཉེན་ཉེ་ཞིག་ཤི་བའི་སྡུག་བསྔལ་མྱོང་མཁན་ཞིག་ལ་ང་ཚོ་ཚང་མས་རང་བཞིན་གྱིས་གདུང་སེམས་མཉམ་བསྐྱེད་བྱེད་ཀྱི་རེད།
(གུ་ཡངས་ཀྱི་བསམ་བློ་ཞེས་པ་ལས་བཏུས།)
