ང་ཚོས་སྙིང་རྗེ་སྒོམ་པའི་སྐབས་སུ། གཞན་གྱིས་མྱོང་བཞིན་པའི་སྡུག་བསྔལ་དེ་དང་དུ་བླངས་ནས། ཁོ་ཚོ་ལ་གདུང་སེམས་མཉམ་བསྐྱེད་བྱེད་པའི་འདུ་ཤེས་ཤིག་གོང་འཕེལ་དུ་གཏོང་གི་ཡོད། སྒོམ་སྟངས་འདི་ནི་ང་ཚོས་དཔྱད་སྒོམ་གྱི་ཐབས་ལམ་ལ་བརྟེན་ནས་བྱེད་ཀྱི་ཡོད་ནའང་། ང་ཚོར་སྙིང་རྗེའི་བློ་ཞིག་སྐྱེས་པའམ། སྒོམ་གྱིས་ང་ཚོར་གཞན་གྱི་ཕྱོགས་སུ་ལྟ་ཚུལ་ལེགས་པོ་ཞིག་བསྐྱེད་པའི་རྗེས། ང་ཚོས་ཅི་ཡང་མི་རྟོག་པར་རང་གི་དམིགས་པ་སེམས་ཚོར་དེའི་ཐོག་ཏུ་བརྟན་པོར་འཇོག་གི་ཡོད། དེ་ལྟར་བྱས་ན་རང་ཉིད་ཀྱི་སྙིང་རྗེའི་སེམས་ཚོར་དེ་གཏིང་ཟབ་ཏུ་འགྲོ་ཞིང་། སྙིང་རྗེའི་སེམས་ཚོར་དེ་ཉམས་པའི་ཚོར་བ་འབྱུང་སྐབས། ང་ཚོས་དཔྱད་སྒོམ་བྱས་ཏེ། གཞན་སེམས་དང་སྙིང་རྗེའི་བློ་དེ་ལ་བསྐྱར་དུ་སྟོབས་ཤུགས་རྒྱས་པར་བྱེད་ཆོག །
ང་ཚོ་སྒོམ་ལ་གོམས་འདྲིས་ཇེ་ཟབ་ཏུ་སོང་བ་དང་། ང་ཚོས་འདོད་པ་ལྟར་དུ་སྒོམ་གྱི་རྣམ་པ་འདི་གཉིས་རེས་མོས་བྱས་ནས་སྒོམ་ཐུབ།
(གུ་ཡངས་ཀྱི་བསམ་བློ་ཞེས་པ་ལས་བཏུས།)
