དགྲ་ཕྱོགས་ལ་བྱམས་སྙིང་རྗེ་སྒོམ་པ་ནི། ཡུར་བའི་ནང་གི་རྒྱུག་ཆུ་འགོག་བྱེད་ཀྱི་རྡོ་ཆེན་ཞིག་ཕར་བསལ་བ་དང་འདྲ། རྡོ་དེ་ཕར་བསལ་མ་ཐག་ཏུ་ཆུ་དེ་གློ་བུར་དུ་བཞུར་མགོ་རྩོམ། དཔེ་དེ་བཞིན་དུ། ང་ཚོས་དགྲ་བོའི་ཕྱོགས་ལ་བྱམས་སྙིང་རྗེ་སྒོམ་ནུས་མ་ཐག་ཏུ། བློ་དེ་འགྲོ་བ་སེམས་ཅན་ཐམས་ཅད་ཀྱི་ཕྱོགས་ལའང་ལས་སླ་བོར་སྒོམ་ཐུབ། དེས་ན། ང་ཚོས་རང་གི་དགྲ་བོ་དེ་བཟོད་པའི་ཉམས་ལེན་གྱི་རྒྱུ་གལ་ཆེན་དུ་མཐོང་ཐུབ་པར་མ་ཟད། དགྲ་བོའི་ཕྱོགས་ལ་གཞན་ལས་ཀྱང་སྙིང་རྗེ་ཤུགས་དྲག་ཅིག་བསྐྱེད་ཐུབ་ཚེ། དེ་ནི་ང་ཚོའི་ཉམས་ལེན་ལེགས་འགྲུབ་བྱུང་བའི་མཚོན་རྟགས་ཡིན།
(འཚོ་བའི་ཁྲོད་ཀྱི་དགའ་སྤྲོ་དང་། འཆི་བའི་སྐབས་ཀྱི་ཞི་བདེ་ཞེས་པ་ལས་བཏུས།)
