དུང་གི་ན་ཚ་ཕུད་ན་སངས་ཟེར་བ་དེ་བདེན་པ་ཆགས་ཡོད།
གནས་སྟངས་ཁག་ཅིག་གི་ནང་། མི་རྣམས་ཀྱིས་འདས་པའི་ནང་དུ་རང་ཉིད་ལ་དྲང་བདེན་མ་བྱས་པ་སོགས་བྱ་བ་གང་ཡིན་ཀྱང་དེ་གཞིར་བཟུང་སྟེ། ཁོང་ཁྲོ་སོགས་ཀྱི་ཚོར་བ་རྣམས་སེམས་གཏིང་དུ་ཉར་གྱི་ཡོད།
དྲང་བདེན་མེད་པ་དང་གཉའ་གནོན་ལ་ཅི་མི་སྙམ་པར་བཞག་ན་ག་ལ་འགྲིག
བཟོད་པ་སྒོམ་པའི་དོན་ནི། ང་ཚོས་གནོད་པ་སྐྱེལ་མཁན་གྱི་ཕྱོགས་སུ་ཁོང་ཁྲོ་ལངས་པའི་ཚབ་ལ་སྙིང་རྗེ་སྒོམ་རྒྱུ་དེ་ཡིན། འདི་ནི་ཁོ་ཚོས་ཅི་ཞིག་འདོད་པ་ལྟར་སྒྲུབ་ཏུ་འཇུག་དགོས་པའི་དོན་ཞིག་མིན།
ཁོ་ཚོར་བརྟེན་ནས་བཟོད་པ་ཉམས་སུ་ལེན་ཐུབ་ཀྱི་ཡོད།
ང་ཚོས་དགྲ་བོའི་ཕྱོགས་སུ་བཟོད་པ་སྒོམ་པའི་སྐབས་སུ། དེའི་འབྲས་བུ་དེ་དགྲ་བོ་ལ་བསྔོ་བ་བྱ་དགོས། རྒྱུ་མཚན་གང་ཡིན་ཞེ་ན། དགྲ་བོ་ནི་དགེ་བའི་འབྲས་བུ་དེའི་རྒྱུ་རུ་གྱུར་ཡོད་པས་ཡིན། ང་ཚོས་ཁོ་ཚོའི་བཀའ་དྲིན་ཤེས་པར་བྱ་དགོས།
གོ་སྐབས་གལ་ཆེན་པོ་ཞིག་སྤྲོད་མཁན་ནི་ང་ཚོའི་དགྲ་བོ་དེ་ཡིན།
མི་རྣམས་ཀྱིས་ང་ཚོར་མ་རུངས་པ་བྱེད་པ་འདི་དག་ནི། རང་ཉིད་ཀྱི་འདས་ཟིན་པའི་ལས་ཀྱི་འབྲས་བུ་རེད། ལས་དེ་དག་གིས་དགྲ་བོར་བསྐུལ་ནས་ང་ཚོར་གནོད་འཚེ་བྱས་པ་རེད།
དཔའ་བོ་ངོ་མ་ནི་ཞེ་སྡང་ངམ་ཁོང་ཁྲོ་ལས་རྣམ་པར་རྒྱལ་མཁན་དེ་ཡིན།
ཁོང་ཁྲོའམ་ཞེ་སྡང་། ད་དུང་ཉོན་མོངས་པའི་བློ་གཞན་དག་ལ་རྒོལ་བའི་གཡུལ་ལ་ཞུགས་དགོས་པ་བདེན་པ་ཡིན་ན་ཡང་། ང་ཚོ་དེ་དག་ལས་རྒྱལ་ཁ་འཐོབ་པའི་ཁག་ཐེག་དང་གདེང་ཚོད་ཅི་ཞིག་ཡོད་དམ་ཞེས་བསམ་སྲིད། ང་རང་གིས་བལྟས་ན། འདི་ནི་གནད་དོན་གལ་ཆེན་ཞིག་ཡིན་ཞིང་། གལ་སྲིད་དཀའ་ངལ་ཁྱད་དུ་བསད་ན་ཉོན་མོངས་པའི་དགྲ་ལས་རྒྱལ་རྒྱུ་ཡོད་པའི་ཁག་ཐེག་ཅིག་ང་ཚོར་ངེས་པར་དུ་ཡོད་དགོས།
དཔའ་བོ་ངོ་མ་ནི་ཞེ་སྡང་ངམ་ཁོང་ཁྲོ་ལས་རྣམ་པར་རྒྱལ་མཁན་དེ་ཡིན།
ང་ཚོ་ཁོང་ཁྲོའམ་ཞེ་སྡང་ལ་འཐབ་པའི་གཡུལ་དུ་ཞུགས་པ་ཡིན། དེ་ནི་གཡུལ་འགྱེད་པའི་གནས་སྟངས་ཤིག་ཡིན་པས། ང་ཚོའི་འཚོལ་བྱ་རྒྱལ་ཁ་ཡིན་ན་ཡང་། ཕམ་ཉེས་ཀྱང་འབྱུང་སྲིད་པའི་གྲ་སྒྲིག་ང་ཚོར་ཡོད་དགོས། རྒྱུ་མཚན་དེ་ལ་བརྟེན་ནས། ང་ཚོ་གཡུལ་ལ་ཞུགས་པའི་སྐབས་སུ། གཡུལ་འགྱེད་ཀྱི་བརྒྱུད་རིམ་ཁྲོད་ནས། དཀའ་སྡུག་དང་དཀའ་ངལ་མང་པོ་ཞིག་ལ་འཕྲད་ངེས་པ་བརྗེད་མི་རུང་།
ཕ་རོལ་པོ་ལ་རྒོལ་བ་དྲག་པོ་ཞིག་བྱེད་ཐུབ་བཞིན་དུ་དེ་ལྟར་མི་བྱེད་པ་ནི་བཟོད་པ་ཡིན།
སྤྱིར་བཏང་བྱས་ན། བཟོད་པ་ལ་རང་གཅུན་དགོས་ཤིང་། ཕ་རོལ་པོ་ལ་རྒོལ་བ་དྲག་པོ་ཞིག་བྱེད་ཐུབ་བཞིན་དུ་དེ་ལྟར་མི་བྱེད་པའི་བཟོད་པ་ཞིག་ལ་གོ་དགོས། ང་ཚོས་རྒྱ་ནག་གི་ཕྱོགས་ལ་བཟོད་པ་སྒོམ་པ་ནི། བཟོད་པ་ངོ་མ་ཞིག་ཡིན་མིན་ཐེ་ཚོམ་རེད།
ཁེངས་སྐྱུང་དང་བཟོད་པའི་དབར་ལ་ཡང་འབྲེལ་བ་ཧ་ཅང་དམ་པོ་ཞིག་ཡོད།
ཁེངས་སྐྱུང་དང་བཟོད་པའི་དབར་ལ་ཡང་འབྲེལ་བ་ཧ་ཅང་དམ་པོ་ཞིག་ཡོད་དེ། ཁེངས་སྐྱུང་གི་བསམ་པ་ངོ་མ་ནི་གཞན་ལ་དགྲ་ཤ་ལེན་པའི་ནུས་པ་ཡོད་བཞིན་དུ་དེ་ལྟར་མི་བྱེད་པའི་དོན་ཡིན།
ཡ་ལན་ཤུགས་ཆེན་པོ་མ་སྤྲད་པའི་ཐོག་ནས་བཞག་ན་ལེགས།
གནས་སྟངས་ཁག་ཅིག་ལ་མཚོན་ན། ཁྱོད་ཀྱིས་བཤད་པ་བདེན་པ་རེད། ཡ་ལན་ཤུགས་ཆེན་ཞིག་སྤྲོད་པའི་སྐབས་སུ། ཐ་ན། རང་ཉིད་ཀྱིས་ཞེ་སྡང་གི་སེམས་ཚོར་གང་ཡང་བཟུང་མེད་ནའང་། ཡ་ལན་དེས་ཕ་རོལ་པོའི་ཞེ་སྡང་ངམ་ཁོང་ཁྲོའི་སེམས་ཚོར་ཆེ་རུ་གཏོང་སྲིད།
ཞེ་སྡང་ངམ་ཁོང་ཁྲོ་ལས་སྲུང་སྐྱོབ་བྱེད་ཐུབ་མཁན་གཅིག་པུ་དེ་བཟོད་པའི་ཉམས་ལེན་ཡིན།
གལ་སྲིད་མི་ཞིག་གིས་རང་ཉིད་ལ་དྲང་བདེན་མ་བྱས་པ་དང་། གནས་སྟངས་དེ་ལ་ཁ་གཏད་མ་བཅག་པར་བཞག་ན། དྲང་བདེན་མི་བྱེད་མཁན་དེས་སྡིག་པ་ཚབས་ཆེན་བསག་སྲིད། དེ་འདྲའི་གནས་སྟངས་ཀྱི་ནང་དུ་ང་ཚོས་ཕར་ཁ་གཏད་འོས་ཤིང་འཚམ་པ་ཞིག་གཅོག་དགོས་ཀྱི་ཡོད།
