སྣང་ཙམ་ལས་འདས་ཏེ་རང་ངོས་ནས་གྲུབ་པས་སྟོང་པ་ངེས་ཀྱི་ཡོད།
བདག་མེད་རྟོགས་པ་ལ། ཆོས་ཐམས་ཅད་ཀུན་རྫོབ་བདེན་པ་དང་དོན་དམ་བདེན་པ་ཞེས་བདེན་པ་གཉིས་སུ་འདུས་པའི་ཚུལ་དེ་ཤེས་དགོས། ང་ཚོར་སྣང་ཞིང་སྲིད་པའི་ཉེ་འཁོར་གྱི་ཆོས་རྣམས་ནི། རྒྱུ་རྐྱེན་སྣ་ཚོགས་ལ་བརྟེན་ནས་བཟང་པོ་ནས་ངན་པའམ་ངན་པ་ནས་བཟང་པོར་འགྱུར་འགྲོ་བ་ལས། ཡུལ་རང་གི་ངོས་ནས་བཟང་ངན་གང་ཡིན་བཤད་མི་ཐུབ།
པོ་ཏི་ལྔའི་རྩ་བ་ནི་ཤེར་ཕྱིན་ཡིན་པར་གསུངས།
ང་ཚོས་དུས་རབས་བཅོ་བརྒྱད་པའི་ནང་གི་བོད་ཀྱི་ཕུལ་བྱུང་གི་མཁས་པ་འཇམ་དབྱངས་བཞད་པ་ངག་དབང་བརྩོན་འགྲུས་ཀྱི་རྣམ་ཐར་ལས། ཤེར་ཕྱིན་གྱི་མདོ་རྣམས་ཀྱི་གལ་གནད་མཐོང་ཐུབ་ཅིང་། ཁོང་ནི་ཀུན་གྱིས་བསྔགས་སའི་གཞུང་ཆེན་གྱི་འགྲེལ་བ་མཛད་མཁན་ཞིག་ཡིན་པར་མ་ཟད། རྟོགས་པ་མཐོ་བའི་ཉམས་ལེན་པ་ཞིག་ཀྱང་ཡིན།
ནང་གི་དགྲ་བོ་ལ་འཐབ་འཛིང་བྱ་དགོས་པའི་འགན་འཁྲི་ཞིག་ཡོད།
སྤྱིར་བཏང་གི་དགྲ་བོ་ཞིག་གིས་བདེ་འཇགས་ཀྱི་ས་ཁུལ་ཞིག་ཏུ་སོང་ནས་དཔུང་ཚོགས་བསྐྱེད་ནས་ཚུར་སླར་ཡང་རྒོལ་བ་བྱེད་སྲིད། འོན་ཀྱང་། ང་ཚོས་སོ་སོའི་རྒྱུད་ཀྱི་ཉོན་མོངས་རྣམས་གཉེན་པོར་བསྟེན་ནས་ཐེངས་གཅིག་ལ་མེད་པར་བཟོས་ན། ཉོན་མོངས་དེ་རྣམས་གང་དུ་ཡང་གཡོལ་ས་མེད་ལ། ང་ཚོར་གནོད་པ་སྐྱེལ་བར་ཕྱིར་ཡོང་མི་ཐུབ།
སེམས་ཀྱི་སྟོབས་ཤུགས་ནི་རྒྱུན་དུ་དཀའ་སྡུག་ཆེ་ཤོས་ཀྱི་སྐབས་སུ་འབྱུང་གི་ཡོད།
སེམས་ཀྱི་སྟོབས་ཤུགས་དང་ཤེས་རབ་གོང་འཕེལ་འགྲོ་བའི་དུས་ནི། རྒྱུན་དུ་དཀའ་སྡུག་ཆེ་ཤོས་ཀྱི་སྐབས་སུ་འབྱུང་གི་ཡོད་པ་རང་ཉིད་ལ་དྲན་གསོ་བྱས་ནའང་རིན་ཐང་ཆེ།
གཞན་ཕན་གྱི་བསམ་པ་ནི་ཆོས་ལུགས་ཕུགས་བསམ་ཙམ་མིན།
གོ་སླ་པོར་བཤད་ན། སྙིང་རྗེ་དང་བརྩེ་བ་ནི། རང་གི་མི་ཚེའི་ནང་དུ་རེ་བ་དང་། སྙིང་སྟོབས། ཆོད་སེམས། སེམས་ཤུགས་ལྟ་བུ་འཁྱེར་ཡོང་བའི་དགེ་བའི་བློ་རུ་ངོས་འཛིན་བྱེད་ཆོག མ་འོངས་པར་འགྲོ་བ་མིའི་རིགས་ལ་རྒྱལ་ཁ་དང་ཕམ་ཉེས་གང་ཞིག་འབྱུང་མིན་ནི། རྩ་བའི་ཆ་ནས་ད་ལྟའི་མི་རབས་འདིའི་མངོན་འདོད་དང་ཆོད་སེམས་ལ་རག་ལས་ཡོད།
གུ་ཡངས་དང་མཉམ་འབྲེལ་གྱི་བསམ་བློ།
གུ་ཡངས་དང་མཉམ་འབྲེལ་གྱི་བསམ་བློ་ནི། རྒྱལ་སྤྱིའི་རིམ་པར་ཡང་ཁ་ཚ་དགོས་གཏུགས་སུ་འགྱུར་བཞིན་ཡོད་ལ། དེང་གི་དཔལ་འབྱོར་གྱི་དཀའ་ངལ་ལ་མཚོན་ན། ཁྱིམ་ཚང་ལྟ་ཅི། ཐ་ན། རྒྱལ་མཚམས་ཀྱང་མེད་པར་གྱུར་ཡོད།
ལོ་རྒས་དུས་ལྷག་པར་དུ་ཡང་གྲོགས་པོ་མང་པོ་དགོས།
ང་ཚོ་གཞོན་ཞིང་། གཟུགས་པོ་བདེ་ཐང་ཡིན་དུས། རང་ཉིད་ནི་མི་གཞན་སུ་ལ་ཡང་བརྟེན་མི་དགོས་པའི་ཚོར་བ་ཞིག་ཡོད། འོན་ཀྱང་། འདི་ནི་འཁྲུལ་སྣང་ཞིག་ཡིན་ལ། ཐ་ན། རང་ཉིད་དར་མ་ཡིན་པའི་དུས་སུ་ཡང་ང་ཚོར་གྲོགས་པོ་མཁོ་བ་རེད། ལོ་རྒས་དུས་ལྷག་པར་དུ་གྲོགས་པོ་མང་པོ་དགོས།
རྣམ་རྟོག་གི་ངང་ནས་བསམ་བློ་བཏང་ཚེ་སེམས་ཀྱི་ངལ་གསོ་ཡོང་མི་སྲིད།
ངལ་གསོ་བྱོས་ཞེས་པའི་དོན་ནི། ཉལ་ཁྲིའི་སྒང་ལ་བསྣར་ནས་སྡོད་པ་ཙམ་ལ་བཤད་པ་མིན་པར། སེམས་ཁམས་ཀྱི་ཆ་ནས་ལྷོད་པོར་གནས་པའི་དོན་རེད།
བསམ་བློའི་འཁྱེར་སོ་ཤིན་ཏུ་གལ་ཆེན་ཆགས་ཡོད།
ང་ཚོ་ལ་རང་རྒྱུད་མ་ཞི་བར་བྱེད་པའི་སེམས་ཚོར་ཡོད་པར་མ་ཟད། རང་སེམས་སུ་ཞི་བདེ་དང་སྟོབས་ཤུགས་སྦྱིན་པའི་སེམས་ཚོར་ཡང་ཡོད། ང་རང་གི་ལྟ་ཚུལ་ལ། ང་ཚོས་སོ་སོའི་ནུས་པ་ཤེས་ནས་རང་ཉིད་དེ་ལ་སྤོབས་པ་སྐྱེ་རྒྱུ་ནི་གལ་ཆེན་ཞིག་ཡིན། སྐབས་རེར། བྱུང་བ་དག་གི་སྡུག་ཕྱོགས་ལ་བལྟས་ནས་རེ་བ་མེད་པའི་ཚོར་བ་ཞིག་སྐྱེ་བཞིན་ཡོད། ལྟ་སྟངས་འདི་ནི་ནོར་འཁྲུལ་ཅན་ཞིག་ཡིན།
སོ་སོའི་མི་ཚེ་སྐྱེལ་སྟངས་ལ་གཟབ་ནན་གྱིས་རྟོག་ཞིབ་བྱ་དགོས།
སོ་སོའི་མི་ཚེ་སྐྱེལ་སྟངས་ལ་གཟབ་ནན་གྱིས་རྟོག་ཞིབ་བྱ་དགོས། དེ་ལྟར་བྱས་ན་རང་ཉིད་འཕྲུལ་ཆས་ལྟར་འགྱུར་དུ་མི་འཇུག་པ་དང་། དངུལ་འཚོལ་སྒྲུབ་ཙམ་གྱིས་རང་གི་མི་ཚེ་སྟོང་ཟད་དུ་མི་འགྲོ་བ་སོགས་ལ་ཕན་ངེས།
