གསར་འཕྲིན།

གསར་འཕྲིན།

བོད་བརྒྱུད་ནང་བསྟན་དང་རུ་སུའི་ཚན་རིག་པའི་དབར་བགྲོ་གླེང་།

༄༅། །ཕྱི་ལོ་ ༢༠༡༧ ཟླ་ ༨ ཚེས་  ༧ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་རྒྱ་གར་གྱི་རྒྱལ་ས་ལྡི་ལིའི་ཏཱཇ་གསོལ་མགྲོན་ཁང་དུ་བོད་བརྒྱུད་ནང་བསྟན་དང་རུ་སུའི་ཚན་རིག་དབར་བགྲོ་གླེང་ལྷན་ཚོགས་ཐེངས་དང་པོ་སྐོང་འཚོགས་ཀྱི་ཉིན་གསུམ་པའི་ཚོགས་མགོན་དུ་ཇི་ལྟར་གདན་ཞུའི་གསོལ་འདེབས་ཞུས་དོན་ལྟར་ལྷན་ཚོགས་ལ་དབུ་བཞུགས་མཛད་ཡོད་པ་རེད། 

༸གོང་ས་མཆོག་ཟངས་དཀར་དུ་མཛད་འཕྲིན་རྒྱ་ཆེར་བསྐྱངས་པ།

༄༅། །ཕྱི་ལོ་ ༢༠༡༧ ཟླ་ ༧ ཚེས་ ༡༦ ཉིན་གྱི་སྔ་དྲོ་ཆུ་ཚོད་ ༧།༤༥ ཙམ་ལ་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་དྭགས་ཀྱི་གླེ་ནས་ཐད་འཕུར་གནང་གྲུ་བརྒྱུད་ཟངས་དཀར་དཀར་དུ་༧ཞབས་སོར་འཁོད་དེ་ཁུལ་དེར་གསར་རྒྱག་གྲུབ་པའི་འཕྲོད་བསྟེན་སྨན་ཁང་དབུ་འབྱེད་དང་། སྤྱན་རས་གཟིགས་ཕྱག་སྟོང་སྤྱན་སྟོང་གི་བཀའ་དབང་། དེ་བཞིན་དཔལ་ནཱ་ལེནྡྲའི་པཎ་གྲུབ་བཅུ་བདུན་གྱི་གསོལ་འདེབས་སོགས་ཀྱི་ཆོས་འབྲེལ་སྩལ་ཡོད་པ་རེད། 

ལྡུམ་ར་བདེ་དགོན་དགའ་ལྡན་བཀྲ་ཤིས་ཆོས་གླིང་དུ་བཀའ་ཆོས་དབུ་འཛུགས་མཛད།

༄༅། །ཕྱི་ལོ་ ༢༠༡༧ ཟླ་ ༧ ཚེས་ ༡༡ ནས་ ༡༣ བར་ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ལ་དྭགས་ལྡུམ་ར་བདེ་དགོན་དགའ་ལྡན་བཀྲ་ཤིས་ཆོས་གླིང་དུ་ཇི་ལྟར་སྔོན་ནས་གསོལ་བ་བཏབ་པ་ལྟར་རྒྱལ་སྲས་ཐོགས་མེད་བཟང་པོས་མཛད་པའི་ལག་ལེན་སོ་བདུན་མ་དང་། སློབ་དཔོན་ཀ་མ་ལ་ཤི་ལས་མཛད་པའི་སྒོམ་རིམ་བར་པ། དེ་བཞིན་། ངན་སོང་ཀུན་གྲོལ་གྱི་རྗེས་གནང་དང་། སྙིང་པོ་དོན་གསུམ་གྱི་ཁྲིད་དང་ལུང་བཅས་ཀྱི་གསུང་ཆོས་དབུ་འཛུགས་གནང་ཡོད་པ་དང་། གསུང་ཆོས་མཇུག་ཏུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་བརྟན་བཞུགས་བསྟར་འབུལ་ཞུ་རྒྱུ་ཡིན་པ་རེད། 

ལྡུམ་རྭ་བདེ་དགོན་གྱི་དབྱར་ཆོས་ཆེན་མོའི་མཇུག་བསྡོམས་མཛད་སྒོར་དབུ་བཞུགས།

༄༅། །ཕྱི་ལོ་ ༢༠༡༧ ཟླ་ ༧ ཚེས་ ༡༠ ཉིན་གྱི་སྔ་དྲོ་ཆུ་ཚོད་ ༩ ཙམ་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་དྭགས་གྱི་རྒྱལ་ས་གླེ་ནས་ཐད་འཕུར་གནམ་གྲུ་བརྒྱུད་ལྡུམ་རྭ་བདེ་དགོན་གྱི་དབྱར་ཆོས་ཆེན་མོའི་མཇུག་སྡོམ་མཛད་སྒོར་དབུ་བཞུགས་ཆེད་ལྡུམ་ར་ Thoise དམག་མིའི་གནམ་ཐང་དུ་༸ཞབས་སོར་བདེ་བར་འཁོད་ཡོད་པ་དང་། སྐབས་དེར་ཁྲིག་སེ་རིན་པོ་ཆེ་མཆོག་དང་། དཀྱིལ་ཁང་རིན་པོ་ཆེ།   ལ་དྭགས་ནང་ཚོགས་ཀྱི་ཚོགས་གཙོ་ཚེ་དབང་འཕྲིན་ལས་ལགས། ལ་དྭགས་རང་སྐྱོང་རི་ལྗོངས་ཡར་རྒྱས་ལྷན་ཚོགས་ཀྱི་དེད་དཔོན་བསོད་ནམས་ཟླ་བ་བློན་པོ་ལགས།    ས་གནས་ཀྱི་གྲོས་ཚོགས་འཐུས་མི་རྣམ་རྒྱལ་ལགས། རྫོང་དཔོན་ཚེ་རིང་རྣམ་རྒྱལ་ལགས་སོགས་ནས་ཕེབས་བས

ལ་དྭགས་མི་མང་སློབ་གྲྭའི་ལོ་ངོ་ཉེར་ལྔའི་མཛད་སྒོར་དབུ་བཞུགས།

༄༅། ། ཕྱི་ལོ་ ༢༠༡༧ ཟླ་ ༧ ཚེས་ ༨ ཉིན་གྱི་སྔོར་སྤྱི་ནོོར་༸གོང་ས་༸སྐྱབས་མགོན་ཆེན་པོ་མཆོག་ལ་དྭགས་ཀྱི་རྒྱལ་ས་གླེ་རུ་རྟེན་གཞི་བྱས་པའི་ལ་དྭགས་མི་མང་སློབ་གྲྭའི་ལོ་ངོ་ཉེར་ལྔ་འཁོར་བའི་དུས་ཆེན་སྲུང་བརྩིའི་མཛད་སྒོར་ཆིབས་སྒྱུར་བསྐྱངས་ཏེ་དགེ་ལས་སློབ་ཕྲུག་ཡོངས་ལ་བཀའ་སློབ་སྩལ་ཡོད་པ་རེད། 

ལ་དྭགས་ནས་འཁྲུངས་སྐར་མཛད་སྒོར་དབུ་བཞུགས་མཛད་པ།

༄༅། །ཕྱི་ལོ་ ༢༠༡༧ ཟླ་ ༧ ཚེས་ ༦ ཉིན་གྱི་ཞོགས་པ་ཞི་བའི་ཚལ་ཕོ་བྲང་དུ་ལ་དྭགས་ལྷོ་བྱང་བོད་མིའི་གཞིས་སྒར་བསོད་ནམས་གླིང་བོད་མི་ཡོངས་ནས་སྒྲོལ་དཀར་ཡིད་བཞིན་འཁོར་ལོའི་ཆོ་གའི་སྒོ་ནས་བརྟན་བཞུགས་བསྟར་འབུལ་ཞུས་ཡོད་པ་དང་། དེ་རྗེས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༨༢ གྱི་འཁྲུངས་སྐར་གཟབ་རྒྱས་ངང་སྲུང་བརྩི་བྱས་ཡོད་པ་རེད། 

དགུང་ལོ་ ༨༢ གྱི་འཁྲུངས་སྐར་མཛད་སྒོ་དྲ་ལམ་དུ་ཐད་གཏོང་།

༄༅། །ཕྱི་ལོ་ ༢༠༡༧ ཟླ་ ༧ ཚེས་ ༦ ཉིན་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་དྭགས་གླེ་རུ་བོད་རིགས་མི་མང་གིས་ཇི་ལྟར་གསོལ་བ་བཏབ་པ་ལྟར་ཞི་བའི་ཚལ་ཕོ་བྲང་དུ་བརྟན་བཞུགས་བསྟར་འབུལ་ཞུ་རྒྱུ་དང་། དེ་བཞིན་མགོན་པོ་གང་ཉིན་མཆོག་དགུང་ལོ་བརྒྱད་ཅུ་གྱ་གཉིས་ཀྱི་འཁྲུངས་སྐར་སྲུང་བརྩིའི་མཛད་སྒོའི་བཀའ་སློབ་རྒྱ་སྐད་དང་དབྱིན་སྐད་ལ་གསུང་བསྒྱུར་གྱིས་དྲ་ལམ་བརྒྱུད་ཐད་གཏོང་ཞུ་རྒྱུ།

སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་དྭགས་སུ་༸ཞབས་སོར་འཁོད་པ།

༄༅། །ཕྱི་ལོ་ ༢༠༡༧ ཟླ་ ༦ ཚེས་ ༢༨ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཨ་རིའི་ནང་གི་མཛད་འཕྲིན་ཁག་རེ་ཞིག་ལེགས་གྲུབ་སྟེ་ལ་དྭགས་རྒྱལ་ས་གླེ་རུ་༸ཞབས་སོར་བདེ་བར་འཁོད་ཡོད་པ་རེད།  

ཨ་རིའི་མངའ་སྡེ་མི་ནི་སུ་ཊར་མང་ཚོགས་རྣམས་ལ་བཀའ་སློབ་སྩལ་བ།

༄༅། །ཕྱི་ལོ་ ༢༠༡༧ ཟླ་ ༦ ཚེས་ ༢༤ རེས་གཟའ་སྤེན་པའི་ཉིན་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ཨ་རིའི་མངའ་སྡེ་མི་ནི་སུ་ཊར་གནས་འཁོད་སེར་སྐྱ་མང་ཚོགས་རྣམས་ལ་བཀའ་སློབ་སྩལ་དོན། བོད་གངས་ཅན་ལྗོངས་སུ་ཡོད་པའི་སངས་རྒྱས་ཀྱི་ཆོས་དང་། ལྷག་པར་སངས་རྒྱས་ཀྱི་ལྟ་གྲུབ་ནི་སྔར་རྒྱ་གར་དུ་ཐོག་མར་ཏཀ་ཤཱ་ཤི་ལ་དང་། དེ་ནས་ནཱ་ལེནྡྲ། བྲི་ཀྲམ་ཤཱི་ལ་བཅས་སུ་དུས་རབས་སོ་སོའི་ནང་གནས་དེ་དག་གཞི་ནས་ནང་ཆོས་བསྟན་པ་འཛིན་སྐྱོང་སྤེལ་གསུམ་བྱེད་རྒྱུའི་གནས་གཞི་ཆེན་པོ་ཞིག་དེ་ལྟར་ཆགས་འདུག དེའི་ནང་ནས་ཤུགས་ཆེ་ཤོས་དཔལ་ནཱ་ལེནྡྲ་རེད་འདུག ཀླུ་སྒྲུབ་ཡབ་སྲས་ལ་སོགས་པ་དང་ཐོགས་མེད་སྐུ་མཆེད་ལ་སོགས་པ་དེ་དག་ནཱ་ལེནྡྲ་ནས་ཕེ

དགེ་རྒན་དང་ཚོང་པའི་འགོ་ཁྲིད་ཚོར་བཀའ་སློབ་སྩལ་བ།

༄༅། །ཕྱི་ལོ་ ༢༠༡༧ ཟླ་ ༦ ཚེས་ ༢༠ ཉིན་སྔ་དྲོ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཨ་རིའི་ཁ་ལེ་ཧྥོར་ནི་ཡའི་ནེའུ་ཕོར་ཊི་བྷེ་ཆི་(Newport Beach,)ཨ་ན་ཧེམ་སི་ཊི་སློབ་གྲྭར་(Anaheim city school)ཆིབས་བསྒྱུར་བསྐྱངས་སྟེ་དགེ་རྒན་དང་ཚོང་པའི་འགོ་ཁྲིད་ཁག་ཅིག་ལ་བཀའ་སློབ་སྩལ་ཡོད་པ་རེད། 

ཤོག་ངོས།