གསུམ་བཅུའི་དུས་དྲན་གྱི་གསུང་འཕྲིན།

    དེ་རིང་ནི་བོད་མིས་རང་ཉིད་ཀྱི་རང་དབང་ཐོབ་ཐང་ལ་རྩོད་ལེན་བྱེད་པའི་ཉིན་མོ་ནས་མི་ལོ་ཉི་ཤུ་རྩ་གཉིས་འཁོར་བའི་དྲན་གསོའི་དུས་ཚེས་ཤིག་ཡིན། འདི་ནི་ད་ལྟའི་རང་རེའི་མི་རབས་འདི་ཙམ་མིན་པར། འབྱུང་འགྱུར་མི་རིགས་རྗེས་མ་ཚོས་ཀྱང་རྗེས་དྲན་བྱ་རྒྱུ་རེད། སྐབས་འདིར་རང་རེའི་འཐབ་རྩོད་ཀྱི་ངོ་བོ་ངོས་འཛིན་པའི་ཐོག་ནས་སྙིང་སྟོབས་ཆེ་ཆེར་བསྐྱེད་དགོས། 

    ལོ་ལྟར་དུས་ཚེས་འདིའི་ཐོག་ང་ཚོ་བྱེས་འབྱོར་བོད་མི་རྣམས་ས་གནས་སོ་སོར་འདུ་འཛོམས་ཀྱིས་དུས་དྲན་བྱེད་བཞིན་པ་ལྟར། ད་ལམ་གསུམ་བཅུའི་དུས་དྲན་ཐེངས་ཉེར་གཅིག་པ་འདིའི་སྐབས་སུ། བོད་ཕྱི་ནང་དུ་གནས་འཁོད་རང་རིགས་ཡོངས་ལ་མཛའ་བརྩེའི་གདུང་སེམས་ཟབ་མོའི་ཐོག་ནས་འཚམས་འདྲི་བྱེད་ཀྱི་ཡོད། 

    ད་ཉིན་གསུམ་བཅུའི་དུས་དྲན་ཐེངས་ཉི་ཤུ་པ་བྱེད་པའི་སྐབས་འདིར། སྐད་ཡིག་རིགས་རུས་གོམས་གཤིས་གཅིག་གྱུར། ལྟ་བ་དང་སྤྱོད་པ་ལས་རིགས་སྣ་ཚོགས་པའི་གཞིས་བྱེས་བོད་རིགས་མཆིས་སོ་ཅོག་མཐའ་དག་ལ་ངས་མཛའ་བརྩེའི་འཚམས་འདྲི་ཞུ་རྒྱུ་ཡིན། 

    ད་རིང་གསུམ་བཅུའི་དུས་དྲན་ཐེངས་བཅུ་དགུ་པ་བྱེད་པའི་སྐབས་འདིར། ངས་གཞིས་བྱེས་བོད་མི་མཐའ་དག་ལ་འཚམས་འདྲི་དང༌། བོད་རྒྱལ་ཁབ་དང་མི་རིགས་ཀྱི་དོན་དུ་ལུས་སྲོག་དོར་བའི་རང་རིགས་རྣམས་ལ་རྗེས་དྲན་སྨོན་ལམ་ཞུ་གི་ཡོད། 

    ང་ཚོས་གསུམ་བཅུའི་དུས་དྲན་བྱེད་པའི་སྐབས་འདིར། རང་རེའི་ཕ་ཡུལ་བོད་ནང་གི་གནས་ཚུལ་ཇི་འདྲ་ཡོད་མེད་ལ་བསམ་གཞིགས་མི་བྱ་མཐུ་མེད་ཡིན། ཚང་མས་ཤེས་གསལ་ལྟར་བོད་ནང་རྒྱ་དམར་བཙན་འཛུལ་གྱིས་རྒྱ་ཁྱབ་ས་ཁུལ་ཁག་ཏུ་རྒྱ་དམར་ཞི་དྲག་མི་སྣ་ཤིན་ཏུ་ཁྱོན་ཆེ་བཅའ་སྡོད་བྱེད་བཞིན་པའི་ཁར། བོད་ཤར་ཕྱོགས་དང༌། བྱང་ཤར་ས་ཁུལ་ས་མཚམས་ཁག་ཏུ་རྒྱ་མི་གཞིས་ཆགས་པ་ཡོད་དང་ཡོད་བཞིན་པའི་ཐོག ད་ཆ་བོད་དབུས་ཕྱོགས་སུའང་གཞིས་ཆགས་པ་འབྱོར་བཞིན་པ་རེད། ལྷ་སའི་རླུང་འཕྲིན་ནས་གསལ་བསྒྲགས་བྱས་དོན་ལྟར་ན། ཕྱི་ལོ་ ༡༩༧༥ ཟླ་ ༥ ནས་འདི་ལོ་ཟླ་ ༡ བར་རྒྱ་ནག་ས་ཁུལ་སྣ་ཚོགས་ནས་བཅིངས་བཀྲོལ་དམག་མི་རྙིང་པ་དང༌། སློབ་གཉེར་ཟིན་པའི་སློབ་ཕྲུག

    བོད་རྒྱ་ཆེའི་མི་མང་ནས་རང་ལ་ཐོབ་ཐང་ཡོད་ངེས་བོད་རང་དབང་རང་བཙན་གྱི་རྩོད་གླེང་ལས་འགུལ་བརྩམས་ནས་མི་ལོ་བཅུ་བདུན་སོང་བའི་དུས་དྲན་གྱི་ཉིན་མོ་འདིར་ངེད་ནས་རྩ་དོན་འདིའི་ཆེད་དུ་ལུས་སྲོག་ལོངས་སྤྱོད་བཏང་དང་གཏོང་བཞིན་པའི་བོད་མི་རྣམས་ལ་རྗེས་དྲན་གུས་འདུད་ཞུ་རྒྱུ་ཡིན། 

    མི་རིགས་གཞན་དག་གི་དབང་སྒྱུར་འོག་སྡོད་འདོད་མེད་པའི་བོད་མི་རྣམས་ནས། བོད་རང་དབང་སྒེར་ལངས་ཀྱི་ལས་འགུལ་བརྩམས་ནས་མི་ལོ་བཅུ་དྲུག་འཁོར་བའི་རྗེས་དྲན་དུས་ཚེས་འདིར། ངེད་ནས་ཐོག་མར་གཞིས་བྱེས་བོད་མི་མཐའ་དག་ལ་མཛའ་བརྩེའི་འཚམས་འདྲི་ཞུ་རྒྱུ་ཡིན། 

    མི་སེར་སྤེལ་ཡུལ་དང༌། ཚེ་གཡོག་གི་དུས་ཚོད་ཡུན་རིང་བྱུང་རྗེས་རྒྱལ་ཁབ་མང་པོར་རང་བཙན་ཐོབ་པའི་སྐབས་སུ། ང་ཚོ་བོད་མི་ས་ཡ་དྲུག་གི་མ་འོངས་པའི་མདུན་ལམ་ཐག་གཅོད་བྱེད་པའི་རང་དབང་དང་ཐོབ་ཐང་ཡོངས་རྫོགས་བརླག་པས་མ་ཚད། བོད་མི་སྟོང་ཕྲག་མང་པོ་རང་ཁྱིམ་བྲལ་ཏེ་བཙན་བྱོལ་དུ་གྱར་བ་དང༌། དེ་ལས་ཆེས་མང་ལུས་སྲོག་ཆུད་ཟོས་སུ་གྱུར་ཡོད། གསུམ་བཅུའི་དུས་དྲན་འདིས་གོང་གི་གནས་ཚུལ་ཆ་ཚང་བ་མཚོན་པའི་ཐོག ལྷག་པར་བརྗིད་ཆགས་ཧི་མ་ལ་ཡའི་ཚུར་རོལ་གྱི་བོད་མི་སྟོང་ཕྲག་བརྒྱད་ཅུ་བརྒལ་བ་དང༌། ཕ་རོལ་དུ་ཡོད་པའི་བོད་མི་ས་ཡ་དྲུག་པོ་རྣམས་རྒྱལ་ཁབ་གཅིག་ཏུ་བདེ་སྡུག་མཉམ་མྱོང་བྱེད་པའི་སྙིང་དོན་ཡང་མཚོན་པ་ཡིན། 

    ད་ལོའི་ཆུ་གླང་ལོ་འདི་བོད་རྗེའི་ཐོག་མ་གཉའ་ཁྲི་བཙན་པོ་བྱོན་ཏེ་བོད་རྒྱལ་ཁབ་ཀྱི་ཆབ་སྲིད་དབུ་བརྙེས་ནས་ལོ་ཉིས་སྟོང་ཆིག་བརྒྱ་འཁོར་བའི་ལོ་ཡིན་པ་དང༌། ད་རིང་གི་དུས་ཚེས་འདི་བོད་རྒྱ་ཆེའི་མི་མང་ནས་ཕྱི་རྒྱལ་བཙན་འཛུལ་ལ་ངོ་རྒོལ་རང་དབང་སྒེར་ལངས་ཀྱི་ལས་འགུལ་བརྩམས་ནས་ལོ་བཅུ་བཞི་སོང་བའི་དུས་ཚེས་ཡིན་པས་དེ་གཉིས་ཀྱི་དྲན་གསོ་བྱེད་པ་དང་ཆབས་ཅིག ངེད་ནས་གཞིས་བྱེས་བོད་མི་རྣམས་ལ་ལྷག་བསམ་མཛའ་བརྩེས་དྲངས་པའི་འཚམས་འདྲི་ཞུ་རྒྱུ་ཡིན།

    ང་ཚོས་གསུམ་བཅུའི་རྗེས་དྲན་ཡང་བསྐྱར་བྱེད་པ་འདི་ནི་བོད་མི་རིགས་ཕྱི་རྒྱལ་བཙན་དབང་གི་ལྕགས་སྒྲོག་ལས་གྲོལ་སླད་རྒྱལ་ཡོངས་ཀྱི་རྣམ་པ་ལྡན་པའི་རང་དབང་རྩོད་ལེན་གྱི་ལས་འགུལ་དོན་ལྡན་རྒྱལ་རབས་སུ་གྲགས་པ་ཞིག་བྱས་པའི་དུས་ཚེས་དེའི་ཆེད་དུ་ཡིན་ཞིང༌། དེར་མ་ཟད་དྲག་ཟིང་ཆེན་པོ་དེ་སྐབས་ལུས་སྲོག་ཆུད་ཟོས་གྱུར་པ་རྣམས་དང༌། ད་བར་ལོ་མང་རིང་བཙན་དབང་གདུག་རྩུབ་འོག་ཉེས་མེད་དུ་ལུས་སེམས་དཀའ་སྦྱོང་མྱོང་མཁན་ཁྲི་ཕྲག་མང་པོ་དེ་དག་གི་རྗེས་དྲན་ཡང་ཡིན། 

    ༡༩༥༩ ཟླ་ ༣ ཚེས་ ༡༠ ཉིན་ལྷ་སར་བོད་མི་མང་ནས་རང་དབང་སྒེར་ལངས་ཀྱི་ལས་འགུལ་བྱས་པར་རྒྱ་མི་གུང་བྲན་གྱིས་བཙན་དབང་གདུག་རྩུབ་དྲག་པོས་འགྲོ་བ་མིས་རྩ་ཆེར་འཛིན་པའི་གནས་ལ་ཇི་མི་སྙམ་པར་བོད་མི་སྟོང་ཕྲག་མང་པོ་དམར་གསོད་དྲག་གནོན་བྱས་པ་རེད། དེ་འདྲའི་ཉིན་མོ་དེ་ལ་ང་ཚོས་རྗེས་དྲན་གང་གི་དོན་དུ་བྱེད་ཀྱི་ཡོད་དམ་ཟེར་ན༑ ང་ཚོས་བོད་རང་དབང་གི་དོན་དུ་ལུས་སྲོག་གཏོང་མཁན་བོད་མི་ཚོར་རྗེས་དྲན་བྱེད་པ་ཙམ་དུ་མ་ཟད། དེ་ཉིན་རྒྱལ་ཁ་ཐོབ་པའི་ཉིན་མོ་ཞིག་ཏུ་ངོས་འཛིན་བྱས་ནས་ཀྱང་རྗེས་དྲན་བྱེད་ཀྱི་ཡོད། ཅིའི་ཕྱིར་ཞེ་ན། དེའི་ཉིན་རྒྱ་མི་གུང་བྲན་གྱིས་བཙན་དབང་གིས་འཛིན་སྐྱོང་བྱེད་པའི་སྲིད་བྱུས་ལ་ཕམ་ཉེས་ཕྱིན་པ་གསལ་པོ

    ད་རིང་ང་ཚོས་བོད་རང་དབང་སྒེར་ལངས་ཀྱི་ལས་འགུལ་བྱས་ནས་ལོ་བཅུ་གཅིག་སོང་བའི་དུས་ཚེས་ལ་རྗེས་དྲན་བྱེད་བཞིན་ཡོད། ང་ཚོས་སྐབས་དེའི་དུས་ཚེས་རྗེས་དྲན་གྱི་ཚིག་བརྗོད་པ་ཙམ་དང༌། ཚོགས་འདུ་བྱས་པ་ཙམ་མ་ཡིན་པར། ད་ལན་ལོ་བཅུ་གཅིག་སོང་བ་དེའི་རིང་ང་ཚོའི་ཡུལ་ནང་གི་འཕོ་འགྱུར་གང་འདྲ་ཞིག་ཕྱིན་ཡོད་མེད་དང༌། རྒྱ་ཆེའི་བོད་མིའི་བདེ་སྡུག་གནས་སྟངས་གང་འདྲ་ཞིག་ཕྱིན་ཡོད་མེད་སྐོར་ལ་བསམ་གཞིགས་ནན་ཏན་ཞིག་ཅིས་ཀྱང་བྱེད་འོས་པ་ཡིན། བོད་ཀྱི་ཡུལ་ནང་རྒྱ་མི་རིགས་ཀྱིས་གང་བའི་འཕོ་འགྱུར་ཞིག་དང༌། བོད་མི་རྣམས་བཀྲེས་སྐོམ་ངལ་འཇིགས་མེ་འོབ་ནང་ལྷུང་བ་ལྟ་བུའི་ཚ་གཟིར་སྡུག་བསྔལ་དངངས་སྐྲག་བཟོད་པར་དཀའ་བའི་གནས་ཤིག་ཏུ་གྱར་ཡོ

    གསུམ་བཅུའི་དུས་ཚེས་འདི་ནི་ང་ཚོར་དམིགས་བསལ་གལ་ཆེའི་ཉིན་མོ་ཞིག་ཏུ་གྱུར་ཡོད་ཅིང༌། དེ་ཡང་བོད་མི་ཙམ་དུ་མ་ཟད། འགྲོ་བ་མིའི་རིགས་ཀྱི་དགའ་གཅེས་ཆེ་ཤོས་བྱེད་པའི་ཞི་བ་དང་རང་དབང་ལ་རྒྱལ་ཁབ་ཀྱི་སྲོག་ལྟར་བལྟ་བའི་མིའི་རིགས་ཀུན་ལའང་དེ་བཞིན་ཡིན། བོད་མི་ཚོས་བོད་རང་དབང་རང་བཙན་མཐའ་གཅིག་ཏུ་སྒྲུབ་པའི་བརྩོན་ཤུགས་སྙིང་སྟོབས་ཀྱི་ངོ་བོ་མཚོན་ཞིང༌། ལོ་རྒྱུས་ལྡན་པའི་བོད་མིའི་ངོ་རྒོལ་སྒེར་ལངས་དེ་བྱས་ནས་ད་ཕན་མི་ལོ་བཅུ་སོང༌། ང་ཚོའི་གཞིས་ལུས་བོད་མི་ཚོས་མྱོང་བཞིན་པའི་དཀའ་སྡུག་འཇིགས་དངངས་གཅེར་གསལ་དུ་ཐོན་པའི་གནས་ལུགས་རྣམས་ལ་བསམ་གཞིགས་བྱས་ན་ད་ཕན་སོང་བའི་ལོ་བཅུ་དེ་ནི་ཆེས་རིང་པོའི་དུས་ཚོད་ཅིག་མིན།

    ད་རིང་ང་ཚོས་དུས་དྲན་བྱེད་པ་འདི་ནི། བོད་མི་ཡོངས་རྫོགས་ཀྱི་ཤིན་ཏུ་རྩ་ཆེའི་དུས་ཚེས་ཤིག་ཡིན་ཏེ། བཙན་འོག་ཏུ་ཚུད་པའི་བོད་མི་མང་ནས་རང་དབང་གི་དོན་དུ་བཙན་གནོན་བྱེད་པོར་ལོ་རྒྱུས་དང་ལྡན་པའི་འཐབ་འཛིངས་བྱེད་པ་འདི་བཞིན་རྒྱལ་རབས་ཐོག་གལ་གནད་ཆེན་པོའི་ལེའུ་ཞིག་ཆགས་ཡོད། གང་ལགས་ཤེ་ན། ལོ་ངོ་དགུའི་སྔོན་གྱི་ཉི་མ་འདི་ཉིན་བོད་ཀྱི་མི་མང་ཚོས་རྒྱ་དམར་དབང་བསྒྱུར་བའི་འོག་ནས་རང་དབང་ཐོབ་ཆེད་དཔའ་མཛངས་ལྷག་པར་ཆེ་བའི་འབད་བརྩོན་ཤུགས་ཆེ་ཞིག་བྱས་ཡོད།

    ད་ཕན་ལོ་བརྒྱད་སོང་བའི་སྔོན་གྱི་དེ་རིང་གི་ཉི་མོ་དེར། བོད་མི་མང་མ་བསྐུལ་རང་འགུལ་གྱི་ཐོག་ནས་རྒྱ་ནག་གི་དྲག་གནོན་དབང་ཤུགས་ལ་ངོ་རྒོལ་སྒེར་ལངས་བྱས་པ་འདི་ནི་བོད་མི་མང་རྣམས་རྒྱ་དམར་གྱི་བཙན་གནོན་གདུག་རྩུབ་ཉིན་རེ་བཞིན་ཇེ་ཆེ་ཇེ་ཆེར་འགྲོ་བའི་མནར་གཅོད་ལས་ཡོངས་སུ་ཐར་ཆེད་དཔའ་མཛངས་ལྡན་པའི་འཐབ་རྩོད་བྱས་པ་ཞིག་ཡིན། དེ་ཉིན་མཚོན་བྲལ་བོད་མི་སྐྱེས་ཕོ་སྐྱེས་མོ་བུ་ཕྲུག་དང་བཅས་པས་ང་ཚོ་བོད་རང་བཙན་བསྐྱར་གསོ་དགོས་པ་དང༌། བོད་མི་མང་གི་རང་དབང་བསྐྱར་གསོ་དགོས་པའི་སྐད་འབོད་གྲགས་ཆེར་སྒྲོག་བཞིན་ལྷ་སའི་བར་སྐོར་ལམ་གཞུང་དང་སྲང་ལམ་གང་སར་ཞི་བའི་ཁྲོམ་སྐོར་བྱས་ཡོད། སྒེར་ལངས་ལས་འགུལ་དེ་ཐོག་རྒྱ་དམར་གྱིས་