གསུམ་བཅུའི་དུས་དྲན་གྱི་གསུང་འཕྲིན།

    དེ་རིང་ང་ཚོས་བོད་མིའི་སྒེར་ལངས་ཀྱི་དུས་དྲན་ཐེངས་ ༣༧ པར་སྲུང་བརྩི་ཞུ་བའི་སྐབས་འདིར་ཚང་མས་མཐོང་གསལ་ལ། ད་ལྟ་རྒྱ་ནག་གིས་གཞི་རྩའི་སྲིད་བྱུས་མཁྲེགས་རྩུབ་ཅན་ཞིག་འཛིན་ནས་ཧོང་ཀོང་དང༌། ཐེ་ཝན་ཐོག་དྲག་རྩུབ་ཀྱི་རྣམ་འགྱུར་བསྟན་པ་དང༌། བོད་དུའང་དྲག་གནོན་ཤུགས་ཆེ་རུ་བཏང་བ་གསལ་པོ་ཡོད། དེ་འདྲའི་རྒྱུ་མཚན་གྱིས་ཨེ་ཤ་ཡའི་ཞི་བའི་རྒྱ་མཚོའི་ཁུལ་དུའང་འཇིགས་སྣང་དང་དོགས་པ་ཤུགས་ཆེར་འགྲོ་བཞིན་པ་དང༌། རྒྱ་ནག་དང་འཛམ་གླིང་ཡུལ་གྲུ་གཞན་དག་དབར་གྱི་འབྲེལ་ལམ་ཡང་ཇེ་སྡུག་ཏུ་འགྲོ་བཞིན་པ་རེད། 

    དེང་དུས་འཛམ་གླིང་ནང་འགྱུར་བ་ཆེན་པོ་འགྲོ་བཞིན་པའི་སྐབས་འདིར། ས་ཁུལ་ཁ་ཤས་ནང་འཐབ་རྩོད་དང་དཀའ་ངལ་གསར་པ་ཡོད་ཀྱང༌། དེ་སྔ་དཀའ་རྙོག་ཡོད་པའི་ས་ཁུལ་མང་པོའི་ནང་མཐུན་འགྲིགས་དང་ཞི་བདེ་ཡོང་གི་ཡོད་པ་ལྟར། ང་ཚོས་ཀྱང་གྲོས་མོལ་གྱི་སྒོ་ནས་བོད་ནང་འགྱུར་བ་བཟང་པོ་ཞིག་ཡོང་བའི་འབད་བརྩོན་བྱས་པ་ཡིན། བོད་མིས་རང་དབང་སྒེར་ལངས་བྱས་ནས་ལོ་ ༣༦ འཁོར་བའི་དུས་དྲན་ལ་སྲུང་བརྩི་བྱེད་པའི་སྐབས་འདིར་ངོས་ནས་བློ་ཕམ་ངང་བརྗོད་རྒྱུ་ཞིག་ལ། རང་རེའི་ཕ་ཡུལ་ནང་བཟང་ཕྱོགས་ཀྱི་འགྱུར་བ་ཕྱིན་མེད་པའི་ཁར། མི་མང་རྣམས་མུ་མཐུད་སྡུག་བསྔལ་དངངས་སྐྲག་མྱོང་བཞིན་དུ་གནས་ཡོད། དེར་མ་ཟད་རྒྱ་ནག་གཞུང་ནས་བོད་ནང་དྲག་གནོན་བྱེད་ཤུ

    དེ་རིང་བོད་མི་མང་གིས་རང་དབང་སྒེར་ལངས་བྱས་ནས་ལོ་སུམ་ཅུ་སོ་ལྔ་འཁོར་བའི་དུས་དྲན་གྱི་སྐབས་འདིར། ངོས་ནས་མི་ལོ་བཅུ་བཞིའི་རིང་རྒྱ་ནག་དང་མཉམ་དུ་དྲང་བདེན་ཐོག་ནས་བོད་ཀྱི་གནད་དོན་སྐོར་ཞི་བ་དང༌། དངོས་ཡོད་གནས་ཚུལ་དང་མཐུན་པའི་འགྲིགས་ཐབས་ཡོང་བ་བྱས་པའི་ཕྱོགས་བསྡོམས་ཤིག་བརྗོད་རྒྱུ་ཡིན། 

    དེ་རིང་ང་ཚོས་ཕྱི་ལོ་ ༡༩༥༩ ལོར་བོད་རྒྱལ་ཡོངས་མི་མང་གིས་སྒེར་ལངས་བྱས་ནས་ལོ་སུམ་ཅུ་སོ་བཞི་འཁོར་བའི་དུས་དྲན་བྱེད་པའི་སྐབས་འདིར་ང་ཚོའི་མཐའ་འཁོར་གྱི་འཛམ་གླིང་ནང་འགྱུར་བ་བཟང་ཕྱོགས་སུ་འགྲོ་བའི་དམིགས་བསལ་དུས་བབ་ཅིག་འཆར་ཡོད། ངའི་བསམ་པར་ཉེ་དུས་ཀྱི་འགྱུར་བ་དེ་དག་ང་ཚོ་བོད་མི་རྣམས་དང༌། འཛམ་གླིང་གི་ཕྱོགས་གཞན་དུ་གདུག་རྩུབ་འོག་ཚུད་པའི་མི་མང་རྣམས་ཀྱི་རེ་འདོད་དང་མཐུན་པའི་ཕྱོགས་སུ་གནས་ཡོད་སྙམ། དམར་པོའི་བཙན་གནོན་དང༌། བཙན་དབང་རིང་ལུགས་ཀྱི་རྣམ་པ་གཞན་དག་འོག་ཚུད་པའི་མི་གྲངས་ས་ཡ་མང་པོར་ད་ཆ་རང་དབང་ཐོབ་ཡོད་པ་དང༌། གླིང་ཆེན་ཚང་མའི་ནང་མང་གཙོ་དགོས་འདུན་གྱི་བསམ་པ་ཡང་ཉིན་རེ་བཞིན་གོང་འཕེ

    གསུམ་བཅུའི་དུས་དྲན་ཐེངས་སུམ་ཅུ་སོ་གསུམ་པའི་སྐབས་འདིར་བོད་ཀྱི་མ་འོངས་པ་སྔར་བས་རེ་བ་ཆེ་བའི་དུས་ཤིག་ཏུ་སླེབས་ཡོད། དེ་ནི་བོད་ནང་ཡོད་པའི་རྒྱ་ཆེའི་མི་མང་དང༌། བྱེས་འཁོད་མི་མང་གི་སེམས་ཤུགས་ནས་བྱུང་བ་མ་ཟད། འཛམ་གླིང་གི་འགྱུར་བ་སྤྱི་དང༌། ལྷག་པར་ཨུ་རུ་སུའི་འགྱུར་བ་ནས་བྱུང་བ་ཞིག་ཀྱང་ཡིན། ལོ་ལྔ་ནས་བཅུའི་ནང་ཚུད་རྒྱ་ནག་ནང་དུ་ཡང་འགྱུར་བ་ཆེན་པོ་ཡོང་ངེས་སྙམ། འཛམ་གླིང་གི་ཐོག་བཙན་གནོན་སྒེར་སྡོམ་བྱེད་མཁན་གྱི་སྲིད་གཞུང་མང་པོ་རྩ་མེད་དུ་གྱུར་པ་དང༌། རུ་སུ་མནའ་འབྲེལ་རྒྱལ་ཁབ་ཁ་འཐོར་སོང་ནས་བཙན་འོག་གནས་པའི་རྒྱལ་ཁབ་ཁག་ལ་རང་དབང་ཐོབ་པར་བརྟེན། དྲང་བདེན་དང་མིའི་སེམས་ཤུགས་ལ་མཐའ་མའི་རྒྱལ་ཁ

    ལོ་གཉིས་སྔོན་རྒྱ་མིས་ལྷ་སར་དྲག་པོའི་ཁྲིམས་འདོམས་བྱས་པའི་དུས་ཚེས་ཏེ། ད་ལམ་ཟླ་ ༣ ཚེས་ ༨ ཉིན་བོད་དོན་ཆེད་རང་སྲོག་ཡལ་བར་དོར་བའི་ན་གཞོན་ལྷག་པ་ཚེ་རིང་སོགས་དང༌། སྲོག་ཉེན་ཆེན་པོའི་ངང་གནས་པ་བློ་བཟང་བསྟན་འཛིན་སོགས། ད་དུང་བོད་རང་དབང་བདེན་དོན་རྩོད་ལེན་མུ་མཐུད་བྱེད་བཞིན་པའི་དཔའ་བོ་ཕོ་མོ་བཙོན་ཚུད་མནར་གཅོད་ཚད་མེད་མྱོང་མཁན་དང༌། དེ་དག་གི་ནང་མི་བཅས་པར་རྗེས་དྲན་སྨོན་ལམ་བྱས་ཤིང༌། ད་ནས་ལོ་ལྟར་དེ་ཉིན་གོང་བཞིན་རྗེས་དྲན་དང་སྨོན་ལམ་གྱི་དུས་ཚིགས་ལ་སྲུང་བརྩི་བྱ་རྒྱུ་ཡིན། 

    བོད་དུ་རྒྱ་མིའི་བཙན་འཛུལ་དབང་སྒྱུར་ལ་བོད་མིས་ངོ་རྒོལ་གདོང་ལེན་བྱས་ཏེ་ད་ཕན་ལོ་ངོ་སོ་གཅིག་སོང༌། ང་ཚོའི་རྒྱལ་ཁབ་ཀྱི་ལོ་རྒྱུས་ནང་གལ་འགངས་ཆེ་བའི་དུས་ཚོད་འདི་བརྩི་སྲུང་བྱེད་པའི་སྐབས་འདིར། ངས་བོད་མི་ཚང་མར་འཚམས་འདྲི་དང༌། བོད་རང་དབང་གི་ཆེད་དུ་གཅེས་པའི་སྲོག་ཀྱང་བཏང་བའི་བོད་མི་དཔའ་བོ་ཕོ་མོ་དེ་དག་ལ་རྗེས་དྲན་བྱེད་ཀྱི་ཡོད། ང་ཚོའི་མི་དམངས་ཀྱིས་གདུག་རྩུབ་ཆེ་བའི་དྲག་པོའི་ཁྲིམས་གཞིའི་བཀོད་འདོམས་འོག་ཏུ་ཡང་ཞུམ་པ་མེད་པའི་སེམས་ཐག་གཙང་བཅད་ཀྱིས་རང་དབང་དོན་དུ་འཐབ་རྩོད་བྱས་པར་རྗེས་སུ་ཡི་རངས་ཡོད། 

    ད་ཉིན་ང་ཚོའི་རྩ་ཆེའི་དྲང་བདེན་གྱི་རྩ་དོན་ལ་ལུས་སྲོག་བཏང་བའི་བོད་མི་ཚོར་དམིགས་བསལ་གྱི་བསྔགས་བརྗོད་ཡོད། འདས་པའི་ལོ་བཅུ་ཕྲག་འགའ་ཤས་ནང་བོད་མི་ཚོས་དཀའ་སྡུག་མྱོང་ཚུལ་ནི་བོད་ཀྱི་ལོ་རྒྱུས་ནང་གི་དུས་ཚོད་སྡུག་ཤོས་ཤིག་ཡིན། བོད་མིའི་འཐབ་རྩོད་ནི་སོ་སོའི་རང་དབང་གི་དོན་དུ་འདོར་ཐབས་མེད་པའི་ཐོབ་ཐང་ཞིག་ཡིན་ལ། དམངས་གཙོ་དང༌། འགྲོ་བ་མིའི་ཐོབ་ཐང༌། ཞི་བདེའིདོན་དུ་ཡང་ཡིན། གལ་ཆེ་ཤོས་ནི་ཐུན་མོང་མ་ཡིན་པའི་རིག་གཞུང་ཡོད་པའི་མི་རིགས་ཤིག་དང༌། རྒྱལ་ཁབ་ཅིག་འཚོ་ཐུབ་པའི་དོན་དུ་ཡིན། 

    བོད་མི་དམངས་ཀྱིས་རྒྱ་མིའི་བཙན་འཛུལ་ལ་ངོ་རྒོལ་དང་རང་དབང་སྒེར་ལངས་ཀྱི་ལས་འགུལ་བྱས་ཏེ་དེ་རིང་ལོ་ཉེར་དགུ་འཁོར་བའི་དུས་དྲན་དང༌། ང་ཚོའི་ཡུལ་མི་ས་ཡ་གཅིག་ལྷག་ཙམ་གྱི་ལུས་སྲོག་བཏང་བ་བཅས་ལ་ངོས་ནས་དྲན་གསོ་གུས་འདུད་ཞུ་རྒྱུ་ཡིན། ཟླ་ཤས་གོང་དུ་ང་ཚོའི་ལུང་པའི་ནང་རིག་གནས་གསར་བརྗེ་ཟེར་བའི་རྗེས་ཀྱི་གནོན་བཙིར་དྲག་ཤུགས་ཆེ་ཤོས་ཤིག་བྱུང་ཞིང༌། ལྷ་སར་བྱུང་བའི་དོན་རྐྱེན་དེའི་སྐབས་ཉུང་མཐར་མི་གྲངས་སུམ་ཅུ་སོ་གཉིས་ཙམ་ལ་སྲོག་སྐྱོན་བྱུང་བ་དང༌། བརྒྱ་ཕྲག་འགའ་ཤས་ཤིག་འཛིན་བཟུང་ཐོག་རྡུང་རྡེག་མནར་གཅོད་ཚབས་ཆེ་ཞིག་ཕོག་ཡོད། བོད་ནང་ཉེན་སྲུང་དམག་མི་མང་པོ་འོར་འདྲེན་ཁ་སྣོན་བྱས་ཏེ་བོད་མིའི་རང་དབང་འག

    ང་ཚོས་འཐབ་རྩོད་བྱེད་པ་འདི་ནི་དེང་རབས་ཡར་ཐོན་ཅན་གྱི་འགྲོ་ལུགས་ལྟར། ང་ཚོར་བོད་ཀྱི་ལོ་རྒྱུས་ནས་བཞག་པའི་རང་གི་དྲང་བདེན་གྱི་ཐོབ་ཐང་རྩོད་པ་མ་གཏོགས། རྒྱ་མི་རིགས་ལ་མི་དགའ་བས་རྩོད་གླེང་བྱས་པ་མིན། རྒྱ་མི་གུང་བྲན་གྱིས་བོད་ལ་བཙན་འཛུལ་དབང་བསྒྱུར་བྱས་ཏེ་ལོ་བཞི་བཅུར་ཉེ་བ་སོང་བའི་དུས་ཡུན་དེ་ནི་བོད་ཀྱི་ཡུན་རིང་ལོ་རྒྱུས་ནང་གི་དུས་ཚོད་དཀའ་ངལ་ཆེ་ཤོས་ཤིག་དང༌། ཐབས་སྡུག་ཤོས་ཤིག་ཡིན་ན་ཡང༌། ལོ་རབས་བདུན་ཅུ་པའི་མཇུག་ཏུ་པེ་ཅིང་གི་འགོ་ཁྲིད་ཚོས་ང་ཚོ་དང་ཐད་ཀར་འབྲེལ་བ་བྱེད་རྒྱུའི་འདོད་ཚུལ་བཏོན་པར་ང་ཚོས་ཀྱང་འབྲེལ་བ་དང་ལེན་བྱས་པ་ཡིན། 

    བོད་ཕྱི་ནང་ལ་འཁོད་པའི་རང་རིགས་སྐྱ་སེར་རྒན་གཞོན་མཐའ་དག་ལ༑ གངས་ཅན་བོད་མི་མང་གིས་རང་དབང་ཐོབ་ཐང་སྐྱར་གསོ་རྩོད་ལེན་བྱེད་པའི་ལས་འགུལ་ཆེན་པོ་ཞིག་བརྩམས་ནས་ད་ཕན་ལོ་ཉི་ཤུ་རྩ་བདུན་འཁོར་འགྲོ་གི་ཡོད་པ་རེད། ང་ཚོའི་བོད་མི་རིགས་ནི་ལྷག་བསམ་ལྡན་པ། ཡ་རབས་གཤིས་བཟང་ལྡན་པ། རྣམ་དཔྱོད་ཤེས་རབ་ལྡན་པའི་མི་རིགས་ཤིག་ཡིན་ཅིང༌། ད་ལྟ་འཛམ་གླིང་འདིའི་ནང་གི་མི་རིགས་འདྲ་འདྲའི་ནང་ནས་གཞུང་བཟང་ཚད་འཛིན་འོས་པའི་མི་རིགས་ཤིག་ཡིན་ངེས། དེ་འདྲའི་མི་རིགས་འདིས་ཉེ་བའི་ཆར་མི་རིགས་རང་ཉིད་ཀྱི་ཐོབ་ཐང་གི་དོན་དུ་དཀའ་ཚེགས་ཆེན་པོ་དྭང་དུ་བླངས་ནས་མི་གྲངས་ས་ཡ་བརྒལ་བ་དུས་མིན་འཆི་རྐྱེན་དུ་གྱུར། མི་མང་པོ་ཞིག་གི་ལུས་སེམས

    ད་རིང་གསུམ་བཅུའི་དུས་དྲན་འདི་ལོ་ཉི་ཤུ་རྩ་དྲུག་ཕྱིན་པའི་དུས་ཚོད་ཡིན། ལོ་རྒྱུས་རིང་པོ་ཡོད་པ་དང༌། སྙིང་སྟོབས་ལྡན་པ། ཤེས་རིག་གི་བསམ་བློ་ཕྱུག་པོ་ཡོད་པའི་ང་རང་ཚོ་བོད་མི་རིགས་ཀྱི་དུས་ཚིགས་གལ་ཆེ་འདིར་དྲན་གསོ་བྱེད་པ་དང་ཆབས་ཅིག བོད་མི་སྤྱི་བོ་གནམ་བསྟན་ཡོངས་རྫོགས་ཀྱི་ཁུར་དུ་འཁྲི་བ་མ་འོངས་པའི་སྤྱི་དོན་ཐོག་རང་རང་སོ་སོས་ནུས་པ་འདོན་རྒྱུ་གང་ཡོད་བསམ་པ་རྣམ་དག་གིས་འདོན་རྒྱུའི་སྙིང་སྟོབས་བསྐྱེད། དམ་བཅའ་འཇོག་རྒྱུ་ཤིན་ཏུ་གལ་ཆེ། 


    ད་ཉིན་གསུམ་བཅུའི་དུས་དྲན་དང༌། རང་རེ་བོད་མི་བཙན་བྱོལ་བ་རྣམས་རང་ཡུལ་བཞག་སྟེ་ཕྱི་རྒྱལ་ས་ཐོག་ཏུ་འབྱོར་ནས་མི་ལོ་ཉེར་ལྔ་སོང་བའི་དུས་ཚིགས་ཆེན་མོ་ཞིག་གི་དུས་དྲན་ཡང་ཆབས་ཅིག་ཏུ་འཁེལ་བའི་སྐབས་འདིར། ངས་གཞིས་བྱེས་བོད་མི་རྣམས་ལ་མཛའ་བརྩེའི་ལྷག་བསམ་བཅོས་མིན་གྱི་འཚམས་འདྲི་བྱེད་པ་དང་ཆབས་ཅིག བསྟན་སྲིད་མི་རིགས་སྤྱི་དོན་དུ་ལུས་སྲོག་ཡལ་བར་དོར་བའི་རང་རིགས་རྣམས་ཀྱི་ཆེད་བསླུ་མེད་མཆོག་གསུམ་རྒྱ་མཚོར་གདུང་ཤུགས་དྲག་པོས་གསོལ་འདེབས་ཞུ་རྒྱུ་ཡིན། 

    ད་ལམ་གསུམ་བཅུའི་དུས་དྲན་ཐེངས་ཉེར་བཞི་པ་བྱེད་པའི་སྐབས་འདིར། ད་ཕན་མི་ལོ་ཉེར་བཞིའི་རིང་བོད་ཀྱི་ནང་གསར་བརྗེ་དང༌། ཡར་རྒྱས་ཟེར་བའི་མིང་འདོགས་སྣ་ཚོགས་དང༌། རྣམ་འགྱུར་སྣ་ཚོགས་པའི་བྱ་སྤྱོད་བརྒྱུད་རིམ་ནང༌། བོད་རྒྱ་ཆེའི་མི་མང་རྣམས་ནས་བརྗོད་པར་དཀའ་བའི་དཀའ་སྡུག་མཐའ་ཡས་པ་ཞིག་མྱོང་དགོས་བྱུང་བ་དང༌། བོད་མི་ཤིན་ཏུ་མང་པོ་ཞིག་གི་རྩ་ཆེའི་ལུས་སྲོག་ཚུན་ཆུད་ཟོས་སུ་གྱུར་ཡོད་པ་རྣམས་རྗེས་སུ་དྲན་པའི་སྒོ་ནས། དེ་དག་གི་སྔོན་བསགས་དཀར་མིན་ལས་ཀྱི་འབྲས་བུ་མཐའ་དག་ཡོངས་སུ་ཟད་དེ་གནས་སྐབས་དང་མཐར་ཐུག་གི་འདོད་དོན་ཡིད་བཞིན་འགྲུབ་པའི་བསླུ་མེད་མཆོག་གསུམ་ལ་གསོལ་འདེབས་སྙིང་ཐག་པ་ནས་བྱ་རྒྱུ་དང༌། ད་དུང་སེམས

    ད་ཉིན་གསུམ་བཅུའི་དུས་དྲན་ཐེངས་ཉེར་གསུམ་པ། རང་རེའི་བདེན་མཐའ་རིམ་གསལ་འབྱུང་བཞིན་པའི་སྐབས་འདིར། གཞིས་བྱེས་བོད་རྒྱ་ཆེའི་མི་མང་ལ་བསྟོད་བསྔགས་དང་འབྲེལ་བའི་འཚམས་འདྲི་ཞུ་རྒྱུ་ཡིན། འཇིག་རྟེན་སྤྱི་ཚོགས་ཀྱི་བྱ་བའི་ནང་བདེན་རྫུན་ཕན་གནོད་ཀྱི་རྣམ་དབྱེ་དུས་དང་ལོ་རྒྱུས་ཀྱིས་ཤན་འབྱེད་བྱེད་པ་ལྟར། རང་རེའི་བོད་དོན་སྐོར་ལ་ཡང་མི་ལོ་ཉེར་གསུམ་གྱི་དུས་ཡུན་དེའི་རིང་གི་དངོས་བྱུང་ལོ་རྒྱུས་ནས་བདེན་པ་གང་ཡིན་དང༌། རྫུན་པ་གང་ཡིན་གྱི་ཕྱོགས་བསྡོམས་ཆེན་པོ་ཞིག་རྒྱབ་ཡོད། མེད་པ་ལ་ཡོད་ཅེས་སྒྲོ་བཏགས་དང༌། ཡོད་པ་ལ་མེད་ཅེས་སྐུར་འདེབས་ནག་བསུབ་གཏོང་བའི་མི་བདེན་རྫུན་སྒྲིག་གི་ངལ་བ་ཆེད་གཉེར་མ་དགོས་པར།