ཕྲུ་གུས་རང་གི་བག་ཆགས་རང་གི་ཁྱིམ་ཚང་ནས་ཕྱིའི་སྤྱི་ཚོགས་ནང་ལ་ཁྱེར་རྒྱུ་རེད།

མདུན་ངོས། / ཕྲུ་གུས་རང་གི་བག་ཆགས་རང་གི་ཁྱིམ་ཚང་ནས་ཕྱིའི་སྤྱི་ཚོགས་ནང་ལ་ཁྱེར་རྒྱུ་རེད།

ཁྱིམ་ཚང་གི་ཁོར་ཡུག་ནི། ཕྲུ་གུ་ཞིག་གི་འཚར་ལོངས་ཀྱི་གྲུབ་ཆ་གཙོ་བོ་ཞིག་རེད། ཁྱིམ་ཚང་གི་ཁོར་ཡུག་ཏུ་བྱམས་པ་དང་སྙིང་རྗེ་མེད་པ་དང༌། ཡང་ན་ཕ་མས་ཕྲུ་གུ་སྣང་མེད་བྱེད་སྐབས། མཇུག་འབྲས་ངན་པ་འབྱུང་བ་ནི་ལས་སླ་བོར་ངོས་འཛིན་བྱེད་ཐུབ། ཁོར་ཡུག་འདི་འདྲའི་ནང་དུ་འཚར་ལོངས་བྱས་པའི་ཕྲུ་གུ་ལ་བདེ་འཇགས་མེད་ཅིང་རེ་བ་ཟད་པའི་ཚོར་བ་ཆེ་ཞིང༌། ཁོ་ཚོའི་བློ་ནི་ཞི་དུལ་དུ་གནས་ཐུབ་ཀྱི་མེད། དེ་ལས་ལྡོག་སྟེ། ཕྲུ་གུ་ལ་རྒྱུན་ལྡན་གྱི་ལྟ་རྟོག་དང་བྱམས་སྐྱོང་ཐོབ་ན། ཁོ་ཚོར་བདེ་བ་ཆེ་བར་མ་ཟད། སོ་སོའི་ནུས་པ་ལ་གདེང་ཚོད་ཆེན་པོ་ཡང་སྟོན་ཐུབ་ཀྱི་ཡོད། ད་དུང་ཁོ་ཚོའི་ལུས་པོའི་འཕྲོད་བསྟེན་ཡང་ལེགས་པ་དང༌། ཁོ་ཚོས་རང་ཉིད་གཅིག་པུར་སེམས་ཁྲལ་མི་བྱེད་པར་གཞན་དག་གི་ཕྱོགས་སུའང་སེམས་ཁུར་བྱེད་ཐུབ་ཀྱི་ཡོད། ཁྱིམ་ཚང་གི་ཁོར་ཡུག་གལ་ཆེན་ཡིན་པའི་རྒྱུ་མཚན་གཞན་ཞིག་ནི། ཕྲུ་གུ་ཚོས་ཕ་མ་ལ་བལྟས་ནས་སྤྱོད་པ་ངན་པར་གོམས་འདྲིས་བྱེད་པས་ཡིན། དཔེར་ན། གལ་སྲིད་ཕ་ཡིས་རང་གི་ཉེ་འཁོར་དུ་ཡོད་པ་རྣམས་ལ་རྒྱུན་དུ་འཁྲུག་པ་རྒྱག་གི་ཡོད་པ་དང༌། ཡང་ན་ཕ་མ་གཉིས་ཀས་རྟག་ཏུ་ཁ་རྩོད་རྒྱག་གི་ཡོད་ན། ཐོག་མར་ཕྲུ་གུས་སྤྱོད་པ་འདིའི་རིགས་མི་འདོད་ཀྱང༌། ཕ་མའི་སྤྱོད་ངན་དེ་ནི་རིམ་གྱིས་རྒྱུན་ལྡན་ཞིག་ཏུ་མཐོང་གི་རེད། དེ་ནས་ཕྲུ་གུས་བག་ཆགས་འདི་ནི་རང་གི་ཁྱིམ་ནས་ཕྱིའི་སྤྱི་ཚོགས་ནང་ལ་ཁྱེར་རྒྱུ་རེད། 

སྟོང་ལོ་གསར་བའི་ཀུན་སྤྱོད་ཀྱི་རྣམ་གཞག་ཅེས་པ་ལས་བཏུས།