སྙིང་རྗེ་གོང་འཕེལ་དུ་བཏང་ན་གཞན་གྱི་ཕྱིའི་རྣམ་པ་དང་སྤྱོད་པས་རང་གི་རྩ་བའི་བསམ་བློའི་འཁྱེར་སོ་ལ་ཤུགས་རྐྱེན་ཐེབས་ཁག་པོ་ཡིན།

མདུན་ངོས། / སྙིང་རྗེ་གོང་འཕེལ་དུ་བཏང་ན་གཞན་གྱི་ཕྱིའི་རྣམ་པ་དང་སྤྱོད་པས་རང་གི་རྩ་བའི་བསམ་བློའི་འཁྱེར་སོ་ལ་ཤུགས་རྐྱེན་ཐེབས་ཁག་པོ་ཡིན།

ཐ་ན་སོ་སོའི་གྲོགས་པོ་ཉེ་བོ་ཞིག་ཡིན་ཡང༌། རང་ཉིད་ཀྱིས་གཅེས་པའི་རེ་འདོད་འགྲུབ་པར་འགོག་རྐྱེན་བྱས་ན། གྲོགས་པོ་དེར་སྤྱོད་པ་ངན་པ་སྟོན་པའི་གོམས་གཤིས་ཤིག་ང་ཚོར་ཡོད། འོན་ཀྱང༌། སྙིང་རྗེ་དང༌། ཕན་ཚུན་བརྩི་བཀུར་གྱིས་རང་ཉིད་གཞན་དག་དང་འབྲེལ་སྟངས་ལ་རྟེན་གཞི་བརྟན་པོ་ཞིག་མཁོ་འདོན་བྱེད་ཀྱི་ཡོད། གལ་ཏེ་རང་གི་བརྩེ་དུང་ནི་མཛེས་སྡུག་ལྟ་བུའི་ཕྱི་ཚུལ་གྱི་རྣམ་པ་ལ་གཙོ་བོར་བརྟེན་ནས་བྱུང་ན། ཕ་རོལ་པོར་བཅངས་པའི་རང་གི་དུང་སེམས་དེ་རིམ་གྱིས་ཉམས་འགྲོ་བ་སྟེ། རང་གི་མཐོང་སྣང་ལ་མཛེས་པའི་ཕ་རོལ་པོའི་ཡོན་ཏན་གྱི་ཉམས་ཤོར་བ་དང༌། ཡང་ན་དེས་སོ་སོའི་འདོད་པ་ཚིམ་པར་བྱེད་མ་ཐུབ་ན། རང་གི་ཟླ་བོ་མི་གཅིག་ཡིན་རུང་ཕན་ཚུན་གྱི་འབྲེལ་བའི་ངོ་བོ་ལ་ཁྱད་པར་ཆེན་པོ་འབྱུང་གི་ཡོད། དེའི་ཕྱིར་ཕྱི་ཚུལ་གྱི་འགུག་ཤུགས་ཙམ་ལས་བྱུང་བའི་མཛའ་འབྲེལ་ནི་ཕལ་ཆེར་རྒྱུན་དུ་བརྟན་པོ་མིན། འོན་ཀྱང༌། ང་ཚོས་རང་གི་སྙིང་རྗེ་གོང་འཕེལ་དུ་གཏོང་འགོ་ཚུགས་ན། གཞན་གྱི་ཕྱིའི་རྣམ་པ་དང་སྤྱོད་པ་གཉིས་ཀས་རང་གི་རྩ་བའི་བསམ་བློའི་འཁྱེར་སོ་ལ་ཤུགས་རྐྱེན་ཐེབས་ཁག་པོ་ཡིན།

སྟོང་ལོ་གསར་བའི་རྣམ་གཞག་ཅེས་པ་ལས་བཏུས།