ལྟ་ཚུལ་ཕྱོགས་གཅིག་ཁོ་ནས་བལྟ་བ་ནི་འགྲིག་གི་མེད། 

མདུན་ངོས། / ལྟ་ཚུལ་ཕྱོགས་གཅིག་ཁོ་ནས་བལྟ་བ་ནི་འགྲིག་གི་མེད། 

ང་རང་ཚོའི་མི་ཚེའི་ནང་འཕྲད་བཞིན་པའི་གནས་སྟངས་ཚང་མ་ལྷན་ཅིག་བྱེད་རྐྱེན་ཧ་ཅང་མང་པོ་ཞིག་འདུས་ནས་འབྱུང་གི་ཡོད། དེར་བརྟེན་གལ་ཏེ་ང་ཚོའི་རྣམ་འགྱུར་དོན་དངོས་དང་མཐུན་པ་ཞིག་དགོས་ན། གུ་ཡངས་པའི་ལྟ་ཚུལ་ཞིག་འཛིན་རྒྱུ་གལ་ཆེན་པོ་ཡིན། གནས་སྟངས་སམ་དཀའ་ངལ་བྱེ་བྲག་པ་གང་རུང་ཞིག་གི་ཐོག་ལ་ལྟ་ཚུལ་ཕྱོགས་གཅིག་ཁོ་ནས་བལྟ་བ་ནི་འགྲིག་གི་མེད། ང་ཚོས་དེར་ཕྱོགས་འདི་ནས་དང་དེ་ནས་ཞེས་ཕྱོགས་ཚང་མ་ནས་ལྟ་དགོས། ངས་རྒྱུན་དུ་བརྗོད་པ་བཞིན། ང་ཚོས་ངེས་པར་དུ་མདུན་དང་རྒྱབ་སྟེ་ཕྱོགས་གཉིས་དང། གཡས་ཕྱོགས་དང་གཡོན་ཕྱོགས་ཏེ་ཕྱོགས་གཉིས། སྟེང་དང་འོག་བཅས་ཕྱོགས་དྲུག་ནས་བལྟ་དགོས། ང་ཚོས་དེ་ལྟར་བྱེད་པ་དང་། དེ་ལྟའི་རྒྱ་ཆེ་ས་ཞིག་གམ་ཕྱོགས་ཡོངས་ཀྱི་ལྟ་ཚུལ་ཞིག་འཛིན་སྐབས། ང་ཚོའི་རྣམ་འགྱུར་དག་ཏན་ཏན་གནས་ལུགས་ཐད་གོ་རྟོགས་ཆེ་བ་ཡོང་ཐུབ་པ་དང་མཉམ་དུ། ང་ཚོའི་དམིགས་ཡུལ་རྣམས་གྲུབ་སླ་བ་ཡོང་སྲིད། 

ཆོས་ལུགས་ཀྱི་མཚམས་ལས་འདས་པའི་འཇིག་རྟེན་སྤྱི་སྨན་གྱི་བཟང་སྤྱོད་ལས་བཏུས།