འཁོན་ལན་སློག་འདོད་ཀྱི་བག་མེད་པའི་ལས་སུ་འཇུག་མི་ཉན།

མདུན་ངོས། / འཁོན་ལན་སློག་འདོད་ཀྱི་བག་མེད་པའི་ལས་སུ་འཇུག་མི་ཉན།

སྲུང་སྐྱོབ་དམ་པོ་ཡོད་པའི་ལྡི་ལིའི་ཏི་ཧར་(Tihar) བཙོན་ཁང་ནང་ཀི་རན་སྦེ་ཌི་ (Kiran Bedi) ལགས་ཀྱིས་དབུ་འཛུགས་ཞུས་པའི་ལས་གཞི་ཞིག་གི་འོག་བཙོན་པ་རྣམས་ལ་དྲན་ཤེས་བསྟེན་པའི་སྒོམ་གྱི་འཛིན་གྲྭ་གསར་འཛུགས་གནང་ཡོད། གཞན་ལ་སེམས་ཁུར་བྱེད་པ་བརྒྱུད་ཐ་ན་འ་ཆད་འུ་ཐུག་པའི་བཙོན་པ་རྣམས་ལ་མི་ཚེའི་ནང་སྙིང་པོ་ཡོད་པའི་ཚོར་སྣང་བྱིན་ཏེ། གཞན་ལ་རོགས་རམ་བྱེད་པར་ལས་གཞི་དེར་ནུས་པ་ཆེན་པོ་ལྡན་སྐོར་རིམ་བཞིན་ར་སྤྲོད་ཐུབ་ངེས་ཡིན་པར་ངོས་རང་ལ་ཡིད་ཆེད་བརྟན་པོ་ཡོད། དེ་ལྟ་བུའི་ལས་གཞི་གཉེར་མཁན་གྱི་མི་སྣ་དང་ཁོང་ཚོའི་བཟང་ཕྱོགས་ཀྱི་ཤུགས་རྐྱེན་མྱོང་མཁན་གྱི་བཙོན་པ་སུ་དང་ཐུག་འཕྲད་བྱུང་ནའང་ངས་རྟག་ཏུ་ཡི་རངས་བསྔགས་བརྗོད་ཞུ་གི་ཡོད། མདོར་བསྡུས་ན། ངས་བཤད་རྒྱུ་ནི་ཐ་ན་ཉེས་ཅན་པ་ཞིག་ཡིན་ཀྱང་ཁྱེད་རང་དང་འདྲ་བར་འགྲོ་བ་མི་ཞིག་ཡིན་པ་དང་འགྱུར་བ་འགྲོ་བའི་ནུས་པ་ལྡན་ཡོད་པ་དེ་དྲན་དགོས། ལས་བྱེད་པོ་དེར་བྱ་བ་ལོག་པ་དེ་དང་ཆ་མཉམ་པའི་ཉེས་ཆད་གཅོད་དགོས། འོན་ཀྱང་འཁོན་ལན་སློག་འདོད་ཀྱི་བག་མེད་པའི་ལས་སུ་འཇུག་མི་ཉན། དེའི་ཚབ་ཏུ་མ་འོངས་པར་བསམ་བློ་བཏང་སྟེ་ནག་ཉེས་བསྐྱར་ཟློས་མི་ཡོང་སླད་ངེས་བརྟན་བཟོ་ཕྱིར་བསམ་བློ་གཏོང་དགོས། 

ཆོས་ལུགས་ཀྱི་མཚམས་ལས་འདས་པའི་འཇིག་རྟེན་སྤྱི་སྨན་གྱི་བཟང་སྤྱོད་ལས་བཏུས།