གཞན་གྱི་བདེ་སྐྱིད་ལས་རྙེད་པའི་བདེ་སྐྱིད་ནི་ལྷད་མེད་པའི་བདེ་སྐྱིད་དྭངས་མ་དེ་ཡིན།

མདུན་ངོས། / གཞན་གྱི་བདེ་སྐྱིད་ལས་རྙེད་པའི་བདེ་སྐྱིད་ནི་ལྷད་མེད་པའི་བདེ་སྐྱིད་དྭངས་མ་དེ་ཡིན།

རྟག་པར་གཞན་ལ་དམའ་འབེབ་བྱེད་པ་དང་ཡིད་བསུན་བཟོ་མཁན་གྱི་མི་ཡིས་རྟག་པར་རང་ཉིད་ལ་ཡང་ཡིད་བསུན་བཟོ་བ་རེད། དེ་ཡང་གཉིད་ལས་སད་པའི་སྐབས་ཙམ་མ་ཡིན་པར་ཐ་ན་རྨི་ལམ་གྱི་ནང་ནས་ཀྱང་དེ་ལྟར་བཟོ། གལ་ཏེ་ང་ཚོས་མི་གཞན་ལ་རོགས་རམ་བྱས་ནས་ཞི་བདེ་དང་བདེ་སྐྱིད་ཀྱི་མཁའ་དབུགས་ཤིག་བསྐྲུན་ཚེ། ཐ་ན་རྨི་ལམ་གྱི་ནང་ནས་ཀྱང་རང་ཉིད་ལ་ཞི་བདེ་དང་བདེ་སྐྱིད་ཀྱི་ལོངས་སྤྱོད་འབྱུང་། གཞན་གྱི་བདེ་སྐྱིད་ལས་རྙེད་པའི་བདེ་སྐྱིད་ནི། ལྷད་མེད་པའི་བདེ་སྐྱིད་དྭངས་མ་དེ་ཡིན་ལ། འདི་ནི་མ་འོངས་པ་དང་ད་ལྟ་གཉིས་ཀར་འབྱུང་བའི་ཁེ་ཕན་དངོས་གནས་དེའང་ཡིན། འོན་ཀྱང་། མི་གཞན་ལ་བདེ་སྐྱིད་འབྱུང་དུས་རང་ལ་མི་སྐྱིད་པ་དང་ཕྲག་དོག་གི་ཚོར་བ་སྐྱེས་ན། ཕལ་ཆེར་མིག་མི་བདེ་བ་དང་། རྒྱབ་ན་བ། ཁྲག་ཤེད་འཕར་བ་བཅས་ཀྱི་དཀའ་ངལ་མྱོང་གི་རེད། ད་ལྟའི་ཚེ་འདིར་སེམས་མི་སྐྱིད་པ་དང་ལུས་མི་བདེ་བ་མྱོང་བ་དང་། མ་འོངས་པའི་མི་ཚེའི་ཁྲོད་ལ་དེ་ལས་ཀྱང་སྡུག་བསྔལ་ཆེན་པོ་འབྱུང་རྒྱུ་རེད། 


(འཚོ་བའི་ཁྲོད་ཀྱི་དགའ་སྤྲོ་དང་། འཆི་བའི་སྐབས་ཀྱི་ཞི་བདེ།  ༡༩༩༧ ལོར་ཨ་རིའི་གྲོང་ཁྱེར་ཉིག་ཡོག་ཏུ་རྟེན་གཞི་བྱས་པའི་ཧར་ཕེར་ཁོ་ལེན་སི་དཔེ་སྐྲུན་ཁང་གིས་ཐོག་མར་དཔར་སྐྲུན་བྱས་ཤིང་། ༡༩༩༨ ལོར་རྒྱ་གར་ནང་གི་ཧར་ཕེར་ཁོ་ལེན་སི་དཔེ་སྐྲུན་ཁང་ནས་བསྐྱར་དུ་དཔར་སྐྲུན་བྱས་པ་བློ་བཟང་བདེ་ཆེན་གྱིས་བོད་བསྒྱུར་ཞུས་པ་ལས་བཏུས།)