གཞུང་ལུགས་རིས་མེད་ལ་སྦྱང་དགོས།  

མདུན་ངོས། /  གཞུང་ལུགས་རིས་མེད་ལ་སྦྱང་དགོས།  

གྲྭ་ཚང་ཁག་ཏུ་སོ་སོའི་ཡིག་ཆ་ཙམ་མིན་པར་རྗེ་ཡབ་སྲས་ཀྱི་གཞུང་རྣམས་མང་ཙམ་གཟིགས་ཐུབ་པ་དགོས་རྒྱུ་དང་། དེ་བཞིན་རྟོག་གེ་འབར་བ་སོགས་སུ་གསལ་བའི་རྒྱ་གར་གྱི་མུ་སྟེགས་པའི་གྲུབ་མཐའ་ཁག་རང་རེས་གཞུང་གི་ཕྱོགས་སྔར་བླངས་ཏེ་སློབ་གཉེར་བྱེད་ཀྱི་ཡོད་པ་ལྟར།  བོད་དུ་དར་བའི་སྔ་འགྱུར་རྙིང་མ་དང་།གསར་མའི་གྲས་ནས་ས་སྐྱ། བཀའ་བརྒྱུད། ཇོ་ནང་སོགས་ཀྱི་ཆོས་ཚུལ་དུས་དུས་སུ་འབྲེལ་ཡོད་མཁས་དབང་ཁག་གདན་འདྲེན་ཞུས་ཏེ་སོ་སོའི་ཆོས་བརྒྱུད་ཀྱི་ལྟ་སྒོམ་སྤྱོད་གསུམ་གྱི་སྐོར་འགྲེལ་བཤད་གནང་རྒྱུའི་གོ་སྐབས་དང་མཐུན་རྐྱེན་བསྐྲུན་ཐུབ་ན་བོད་གངས་ཅན་གྱི་ལྗོངས་སུ་དར་བའི་རིས་མེད་ཀྱི་ཆོས་བརྒྱུད་ཁག་ལ་རྒྱུས་ཡོད་ཆགས་ཐུབ་རྒྱུ་དང་།  དེ་འདྲ་ཞིག་བྱུང་ན་ངོས་སྒེར་གྱི་ཉམས་མྱོང་གི་ཐོག་ནས་བཤད་ཀྱང་དགེ་མཚན་ཆེ་བ་ཡོད།  

ཕྱི་ལོ་༢༠༡༨ ཟླ་༡ ཚེས་༡༣ ཉིན་གནས་མཆོག་རྡོ་རྗེ་གདན་དུ་གདན་གསུམ་གཙོ་བོར་གྱུར་པའི་ཆོས་སྡེ་ཁག་གི་སློབ་གཉེར་ཡར་རྒྱས་དང་དུས་བསྟུན་ལེགས་བཅོས་ཡོང་ཐབས་ཆེད་སྐོང་ཚོགས་ཞུས་པའི་དགེ་ལྡན་པའི་དམིགས་བསལ་ཚོགས་ཆེན་ཐོག་སྩལ་བ།