ཆོས་དང༌རིག་གཞུང༌སྐད་ཡིག རྣམ་དཔྱོད་གཟུཌ་བབ་སོཌ་གང་ནས་བལྟས་ཀྱང་རྒྱ་མི་རིཌ་ལས་ཞན་པ་གཏན་ནས་མེད།

མདུན་ངོས། / ཆོས་དང༌རིག་གཞུང༌སྐད་ཡིག རྣམ་དཔྱོད་གཟུཌ་བབ་སོཌ་གང་ནས་བལྟས་ཀྱང་རྒྱ་མི་རིཌ་ལས་ཞན་པ་གཏན་ནས་མེད།

ཕྱི་ལོ་༡༩༥༩ ལོར་བོད་ས་རྒྱ་དམར་གྱི་བཙན་འོག་ཏུ་ཤོར་ཏེ་རྒྱ་གར་ནང་བཙན་བྱོལ་དུ་འབྱོར་བ་ནས་བཟུང་བོད་གཞུང་གིས་ཐོག་མར་བོད་ཕྲུག་ཚོའི་ཤེས་ཡོན་སློབ་སྦྱོང་གི་མཐུན་རྐྱེན་ཐོག་ཤུགས་བརྒྱབ་པ་དང༌། རྒྱ་གར་གཞུང་གིས་ཀྱང་ཤ་ཚ་ཟོལ་མེད་ཐོག་བོད་མིའི་གཞིས་ཆགས་གསར་འཛུགས་དང་། བོད་ཕྲུག་ཚོའི་ཤེས་ཡོན་ཐད་མཐུན་འགྱུར་ལེགས་པོ་གནང་ཡོད། དེ་ནས་བཟུང་ད་ལྟའི་བར་འབད་བརྩོན་ཆེན་པོ་བྱས་པ་ལྟར།   བཟང་ངན་ལ་མ་ལྟོས་པར་བཙན་བྱོལ་སྤྱི་ཚོགས་ནང་ཡིག་རྨོངས་ཀྱི་དཀའ་ངལ་ཡོངས་སུ་སེལ་ཐུབ་པ་བྱུང་ཡོད།  རྒྱ་ཕྱོགས་ནས་རྒྱུན་དུ་རྒྱ་མི་རིགས་དེ་སྔོན་ཐོན་གྱི་མི་རིགས་ཤིག་ཡིན་པ་དང༌། བོད་མི་རྣམས་ཆེས་རྗེས་ལུས་ཡིན་པའི་འཁྱོག་བཤད་བྱེད་ཀྱི་ཡོད། དོན་དངོས་སུ་བོད་གངས་ཅན་པ་རྣམས་ཆོས་དང༌རིག་གཞུང༌། སྐད་ཡིག རྣམ་དཔྱོད། གཟུགས་བབ་སོགས་གང་ནས་བལྟས་ཀྱང་རྒྱ་མི་རིགས་ལས་ཞན་པ་གཏན་ནས་མེད། དེའི་ཕྱིར་རིག་གཞུང་སོགས་ཀྱི་ཆ་ནས་རྒྱ་མིས་ང་ཚོར་མཐོང་ཆུང་ནམ་ཡང་བྱེད་ཐུབ་ཐབས་མེད། འོན་ཀྱང་དེང་དུས་ཤེས་ཡོན་གྱི་ཐོག་ནས་བོད་པ་དང་རྒྱ་མི་གཉིས་བསྡུར་བ་ཡིན་ན་ང་ཚོ་རྗེས་ལུས་ཏན་ཏན་ཐེབས་ཡོད་པར་བརྟེན། རྒྱ་མིས་ང་ཚོར་རྗེས་ལུས་རེད་ཅེས་ཤོད་ཀྱི་ཡོད། 

(ཕྱི་ལོ་ ༢༠༠༢ ཟླ་༡༢ ཚེས་༡༨ ཉིན་གྷོ་ཝ་ཁུལ་སྡོད་རང་རིགས་མི་མང་གྲངས་༢༢༣ དང་།  ཕྱི་རྒྱལ་བ་མི་གྲངས་ ༥༣ བཅས་ལ་སྩལ་པ་ལས་བཏུས།)