བཀའ་སློབ། བོད་དོན་སྡེ་ཚན།

སྔ་མོ་དུས་རབས་བདུན་པ་བརྒྱད་པར་ཆོས་རྒྱལ་ཚོའི་སྐབས་ལ་བོད་མི་ས་ཡ་བརྒྱ་ཕྲག་ཡོད་མེད་མི་ཤེས་ཀྱང་ས་ཡ་མང་པོ་ཡོད་འདུག  ལོ་སྟོང་ཕྲག་གཅིག་གོང་འབྲོམ་སྟོན་པའི་སྐབས་མི་རྩིས་ཆེན་པོ་མཛད་དུས་བོད་མི་ས་ཡ་ ༡༠ ཡོད་པ་གསུངས་ཡོད་ཀྱང་། བར་སྐབས་ང་ཚོས་ས་ཡ་དྲུག་བདུན་ཟེར་གྱི་ཡོད། འབྲོམ་སྟོན་པ་བྱུང་ནས་ལོ་ངོ་ ༡༠༠༠ ཡས་མས་ཙམ་གྱི་ནང་བོད་མི་ས་ཡ་བཅུ་ནས་ས་ཡ་དྲུག་ཏུ་མར་ཆགས་པ་རེད། དེའི་རྒྱུ་རྐྱེན་གཅིག་འཕྲོད་བསྟེན་ཡག་པོ་མེད་དང་། དཔལ་འབྱོར་གྱི་དཀའ་ངལ་འཕྲད་ནས་སྔ་མོ་ཞིང་པའི་གྲོང་ཡོད་པ་སྟོང་ནས་གཅིག་ཀྱང་མེད་པ་དེ་འདྲ་ངོས་རང་མཐོང་སོང་། སྟོད་ཁུལ་དུའང་དེ་ལྟ་བུའི་ས་ཆ་འདུག ངོས་ཀྱི་ངོ་ཤེས་ཨ་རིི་བ་ཞིག་པར་རྒྱག་གི་སོང་ནས་དོ་སྣང་བྱུང་འདུག དེ་ནས་ནད་ཡམས་བྱུང་ནས་སྨན་བཅོས་མ་ཐུབ་པ་དང་། སྔོན་འགོག་མ་ཐུབ་པའི་ཐོག་གནས་གྲོང་ཚོ་སྟོང་འགྲོ་བའང་ཕལ་ཆེར་ཡོང་སྲིད་པ་རེད། 

༄༅། །བོད་རྒྱལ་ལོ་ ༢༡༣༧ ཕྱི་ལོ་ ༢༠༡༠ ཟླ་ ༨ ཚེས་ ༣༡ ཉིན་རྒྱ་གར་ལྷོ་ཕྱོགས་སྦེལ་ཀོབ་བོད་མིའི་གཞིས་ཆགས་ཀྱི་སེ་རའི་ཚོགས་ཆེན་འདུ་ཁང་དུ་བོད་གཞུང་མང་རྒྱལ་ཡོངས་ཚོགས་ཆེན་ཐེངས་དང་པོའི་མཇུག་བསྡོམས་ཚོགས་འདུའི་ཐོག་ྋགོང་ས་ྋསྐྱབས་མགོན་ཆེན་པོ་མཆོག་གིས་བཀའ་སློབ་ཕེབས་དོན།

༄༅། །ད་ལྟ་ཁྱེད་རང་ཚོས་བཤད་པ་བཞིན། ཚོགས་འདུ་འདི་འདྲ་འཚོགས་པ་དེས་གནས་ཚུལ་མ་ཤེས་པ་གསར་དུ་ཤེས་པ་དང། དོ་སྣང་གསར་པ་སླེབས་ཏེ་ཕན་ཐོགས་བྱུང་ཞེས་བརྗོད་པ་དངོས་འབྲེལ་རེད། དེ་ལྟར་དུས་དུས་ལ་ཚོགས་འདུ་ཚོགས། བོད་ཀྱི་འདས་པའི་ལོ་རྒྱུས་དང། མ་འོངས་པའི་བྱེད་ཕྱོགས་སྐོར་གནས་ཚུལ་རྒྱུས་མངའ་ཡོད་མཁན་དང་། དོན་གང་དང་གང་ལའང་འགྲེལ་བཤད་རྒྱག་ཐུབ་མཁན་ཚོས་འགྲེལ་བཤད་བརྒྱབ། གཞན་ཚོས་དོགས་གཅོད་བྱེད་དགོས་པ་དོགས་