ཏཱ་ལའི་བླ་མའི་ཡང་སྲིད།

 ༄༅། ། རྡོ་རྗེ་འཆང་ཏཱ་ལའི་བླ་མའི་སྐྱེ་ཕྲེང་བཅུ་བཞི་པ་ཤཱཀྱའི་དགེ་སྦྱོང་ཆོས་སྨྲ་བ་བསྟན་འཛིན་རྒྱ་མཚོར་འབོད་པའི་གཏམ།

༄༅། །སྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་ནས་ ༡༩༩༧ ཕྱི་ཟླ་ ༧ ཚེས་ ༢༩ ཉིན་ཞོགས་པའི་ཆུ་ཚོད་ ༩ པའི་ཐོག་ཐེག་ཆེན་ཆོས་གླིང་ཕོ་བྲང་དུ་ཚོགས་པ་ཁག་དང༌། བཞུགས་སྒར་ཁུལ་གྱི་མི་མང་གི་འཐུས་མི་བཅས་ལ་དེ་གོང་གང་གི་སྐུའི་ཡང་སྲིད་ཕེབས་ཕྱོགས་སྐོར་བཀའ་གནང་བའི་གལ་ཆེའི་གནད་དོན་ཐོག་གསལ་བཤད་བཀའ་སློབ་སྩལ་དོན།

 

༄༅། །སྦྱིར་བཏང་བླ་མའི་ཡང་སྲིད་སྐོར་གྱི་གནད་དོན་འདི་ནི་ཆོས་ལུགས་དང་ཐད་ཀར་འབྲེལ་བ་ཡོད་བ་ཞིག་ཡིན་པས། ཆོས་ཁས་མི་ལེན་མཁན་ཞིག་ཡིན་ཕྱིན་ཡང་སྲིད་སྐོར་ལ་འབྲེལ་བ་མེད་ལ། འདི་སྐོར་གླེང་བའི་འོས་བབ་ཀྱང་མེད། ཡང་སྲིད་ཅེས་པ་འདི་ནི་ལས་བྱེད་བསྐོ་གཞག་བྱེད་པའམ། ཡང་ན་འཐུས་མི་འོས་འདེམས་བྱེད་པ་ལྟ་བུ་མིན། བླ་མའི་ཡང་སྲིད་ནི་བསམ་བཞིན་དུ་འགྲོ་བའི་དོན་ལ་བྱོན་པ་ཞིག་ཡིན་པས་བྱོན་པའི་ཡུལ་དང་།  ཡབ་ཡུམ། རིགས་རུས་སོགས་ལ་གཟིགས་ནས་བྱོན་དགོས་པ་འདི་ནི་ནང་ཆོས་ཀྱི་དམིགས་བསལ་ཁྱད་ཆོས་ཡིན། ཡང་། གདུང་བརྒྱུད་ཀྱི་ས